SÖHBƏT TƏRAVIH NAMAZI (1)

Sual: Təravih namazı neçə rəkatdir? Camaatla qılmaq lazımdırmı?

Cavab: Peyğəmbər əfəndimiz 3-4 gün təravihi camaatla qıldırdı, daha sonra evdən çıxmadı. Səbəbi soruşulduqda, “Təravih namazının sizə fərz olacağından qorxduğum üçün, evdən çıxmadım”  buyurdu. (Buxari)

Teravihin 20 rəkat olması və camaatla qılınması hədis-i şəriflə bildirilmişdir. Sünnət olduğu icma ilə sabitdir. (Mərakıl-fəlah şərhi)

Peyğəmbər əfəndimiz təravihi 8, 12 və 20 rəkat olaraq da qılmışdır. İbni Abbas həzrətləri bildirir ki:

 Rəsulullah işadan sonra, vitrdən əvvəl 20 rəkat namaz qıldıqdan sonra, “Ramazanda 20 rəkat təravih namazı qılanın iyirmi min günahı bağışlanar” buyurdu. (İbni Əbi Şeybə)

Təravihin 20 rəkat olduğuna inanmayanın bidət əhli olduğu Nur-ül-izah şərhində də yazılmışdır.

İmamı Azam həzrətləri, “Təravih namazı müəkkəd sünnətdir. Həzrət-i Ömər təravihi 20 rəkat olaraq camaatla qılınmasını özbaşına ortaya çıxarmadı. O, əlindəki möhkəm əsasa, yəni Rəsulullahın sünnəsinə əsaslanaraq əmr etdi” buyurur. (Əl-Qoca)

 Rəsulullah təravihi heç qılmasa belə Xülafəyi raşidinin yəni dörd xəlifənin qılması, sünnət olması üçün kafidir. Hədis-i şərifdə, “Sünnəmə və Xülafəyi raşidinin sünnəsinə möhkəm sarılın” buyuruldu. (Buxari)

 Təravihin camaatla qılınması, sünnəti-kifayədir. Yəni bir məhəllədə camaatla qılınıb, digərləri evdə qılsa da, sünnə ifa edilmiş olar. (Nemət-i İslam)

 Kişilərin məsciddə camaatla namaz kılmalarının evdə qıldıqları namazdan 27 dərəcə daha çox savab olduğu, qadınların isə evdə namaz kılmalarının məsciddə namaz kılmalarından daha çox savab olduğu hədisi-şəriflərlə bildirilmişdir. Qadınlar camaatla namaz qılmaq üçün məscidə gedə bilməz.

 Qadınların beş vaxt namaz üçün və ya cümə, təravih və bayram namazları üçün məscidə getmələri caiz deyil. (Rədd-ül-muxtar)

 Təravih namazı iki və ya dörd rəkatda bir salam verilərək qılınar, lakin iki rəkatdə bir salam vermək daha yaxşıdır. Təravih namazını on rəkatda bir salam verərək iki salamla bitirmək məkruhdur.

(davamı sabah)