TARİX İNKVİZİSİYA HƏQİQƏTİ (1)

Orta Əsr Avropasında katolik inanclarına uymayanları cəzalandırmaq üzrə katolik kilisəsi tərəfindən qurulan İnkvizisiya Məhkəmələri, yüz illər boyunca, məsum insanları günahkar elan edib müxtəlif işkəncələrlə öldürmüşdülər.

İnkvizisiya Məhkəmələri ilk dəfə 1184 -cü ildə İtaliyada Verona şəhərində keşişlər məclisi tərəfindən qurulmuşdur. Hakimləri, qurulduqları şəhərin din adamları arasından seçilirdi.

Yepiskoplar tərəfindən aparılan təftiştə İnkvizisiya Məhkəmələrində cəzalandırılacaq adamlar təsbit edilirdi. Bunlara mülhid deyilirdi.

 Mülhid olduğuna hökm edilənlərin malı, mülkü zəbt edilməkdə və cəzalandırılmaq üzrə dövlət məmurlarına təslim olunmaqda idi. Bu məhkəmələrdə ən yüngül cəza ömürlük həbs cəzası idi. Bundan başqa edam cəzası və diri-diri yandırılma cəzaları verilməkdə idi. Mülhidləri (Katolik inanclarına uymayanları) hər kəs dövlət orqanlarına xəbər verməyə məcbur olunurdu. Xəbər verməyənlər haqqında məhəkəmə işi açılır və bu adamlar hər cür işkəncələrə məruz qalırdı. Cəhalətin və yanlış etiqadın bir nəticəsi olan İnkvizisiya Məhkəmələri Fransa, Almaniya və İsveçrədə də quruldu. İngiltərə, Hollandiya və İsveç xaricində bütün Avropaya yayıldı. Ən böyük zülm İspaniyada Əndəlüs Müsəlmanlarına qarşı olundu. İspaniyada tək bir məhkəmənin 28 min insanı ölümə məhkum etdiyi deyilirsə, bu məhkəmələrin dəhşəti haqqında bir fikir yürütməyə kifayət edir.