HAFSA BİNTİ ÖMƏR

Peyğəmbərimizin xanımlarından.

Həzrəti Ömərin qızı olan Həzrəti Hafsa əvvəl Huneys ibn Hüzafə ilə evləndi. Huneys ilə ilk mühacirlərdən olub əvvəl Həbəşistana, sonra Mədinəyə hicrət etdi. Huneys, Bədir və Uhud döyüşlərinə qatılıb, Uhudda yaralanıb, Mədinədə şəhid oldu.

Həzrəti Hafsa gənc yaşda dul qalanda, atası Həzrəti Ömər hicrətin üçüncü ilində Həzrəti Əbu Bəkirə və Həzrəti Osmana, “Qızımı alarsınızmı?” deyə təklif etmiş, onlar da “Düşünərik” demişdilər .

Səbəbi nədir?

Bir gün Rəsulullah əfəndimiz hər üçü və başqaları yanında ikən Həzrəti Ömərə buyurdu ki:

•  Ya Ömər! Səni kədərli görürəm, səbəbi nədir?

Bir şüşədəki mürəkkəbin rəngi asan görüldüyü kimi Rəsulullah əfəndimiz də hər kəsin fikrini bir baxışda anlayar idi. Lüzum görərsə soruşardı. Həzrəti Ömər də belə cavab verdi:

•  Ya Rəsulallah! Qızımı Əbu Bəkirə və Osmana təklif etdim, qəbul etmədilər.

Rəsulullah əfəndimiz ən çox sevdiyi üç əshabının kədərlənməsini heç istəmədiyindən onları sevindirmək üçün dərhal buyurdu ki:

•  Ey Ömər! Qızını Əbu Bəkrdən və Osmandan daha yaxşı birisinə vermək istəyirsən?

Həzrəti Ömər çaşdı. Çünki Əbu Bəkrdən və Osmandan daha yüksək və daha yaxşı kimsə Rəsulullahdan başqa olmadığını bilirdi. Cavab verdi:

•  Bəli, ya Rəsulullah.

Bunun üzərinə Rəsulullah əfəndimiz buyurdu ki:

•  Ey Ömər, qızını mənə ver!

Bu surətlə Həzrəti Hafsa, Əbu Bəkrin və Osmanın və bütün möminlərin anaları oldu. Bunlar, ona xidmətçi oldu. Əbu Bəkir və Osman bir-birlərinə daha yaxın və daha sevgili oldular.

Həzrəti Hafsa haqqında hədisi-şərif deyildi. Peyğəmbərimiz özünə xitab olaraq buyurdu ki:

•  Ey Hafsa! Əsla çox danışma! Allahı xatırlamadan çox danışmaq  qəlbi öldürər. Allahın zikri ilə çox danışmaq isə qəlbi dirildər.

Yenə Həzrəti Aişə ilə ikisinə buyurdu ki:

•  Allaha tövbə etsəniz, qəlbləriniz Ona meyl edər.