HEYVAN KƏSILƏRKƏN MƏKRUH OLAN ŞEYLƏR

Sual: Heyvan kəsilərkən məkruh olanlar nələrdir?

CAVAB

Bəziləri bunlardır:

Qurbanı kəsiləcək olan yerə sürüyərək gətirmək, səbəbsiz incitmək məkruhdur.
Bıçaqları heyvanı yatırdıqdan sonra itiləşdirmək və birini o birinin gözü önündə kəsmək məkruhdur.
Soyumaya başlamadan, yəni çırpınması dayanmadan peysərini də kəsmək məkruhdur.
Heyvan tamamilə ölüb çırpınması dayanmadan onurğa iliyini kəsərək başını qopartmaq və dərisini soymağa başlamaq məkruhdur.
Qamış, daş kimi kəskin şeylərlə kəsmək, küt bıçaqla kəsməyə çalışmaq məkruhdur.
Doğması yaxın olan heyvanı kəsmək məkruhdur.
Oğurlanmış bıçaqla kəsmək məkruhdur.

LƏTİFƏ

Məhəllədə yaramaz iki qardaş var imiş. Məhəllədə nə baş versə onlardan şübhələnirmişlər. Bir şey itsə və ya kiminsə pəncərəsi sınsa onlar günahlandırılarmış. Anaları şikayətlərə dözə bilməyib uşaqları məscidə mollanın yanına aparır . Molla tək-tək yanına çağırıb,əvvəlcə böyüyündən soruşur:

-Oğlum qiblə hardadır?

Uşaqdan səs çıxmayınca bağıraraq soruşur ki: Qiblə hardadır?

Uşaq qardaşının əlindən tutub ağlayaraq oradan qaçır və qardaşına deyir ki: Qardaş, bu dəfə iş böyükdür, qiblə itib bizdən bilirlər...