SÖHBƏT ARƏFƏ GÜNÜNÜN ƏHƏMİYYƏTİ

Qiymətli gecəyə özündən sonra gələn günün adı verilər. Lakin Arəfə və Qurban bayramının üç gecəsi belə deyil. Bu dörd gecə, bu günləri izləyən gecələrdir. Arəfə, tək Zilhiccənin 9-cu günüdür. Yəni, qurban bayramından əvvəlki günə deyilir. Ramazan bayramından əvvəlki günə və başqa günə Arəfə deyilməz.

    Hədisi şəriflərdə buyuruldu ki:

    “Arəfə günü oruc tutana, Adəm əleyhissalamdan, Sura üfürülənə qədər yaşamış bütün insanların sayının iki misli qədər savab yazılar.” [R. Nasıhin]

    “Arəfə günü tutulan oruc, keçmiş və gələcək ilin günahlarına kəffarə olar.” [Müslim] [Yəni Arəfə günü tutulan oruc, keçmiş və gələcək bir ildə edilən tövbələrin qəbul olmasına faydalı olar]

    “Arəfə günü [Bəsmələ ilə] 1000 İxlas oxuyanın günahları bağışlanıb duası qəbul olar.” [Ebuşşeyh]

    “Arəfə günü, qulağına, gözünə və dilinə sahib olan bağışlanar.” [Tabərani]

    “Şeytan, Arəfə günündən başqa bir gündə daha zəlil, alçaq və kinli görünməz.” [İ. Malik]

    “Allahü təala, Arəfə günü qullarına nəzər edər. Zərrə qədər imanı olanı bağışlayar.” [Gunyə]

    “Arəfə nə gözəl gündür. O gün rəhmət qapıları açılar.” [Deyləmi]