BAYRAM GÜNÜ NƏ ETMƏLİ

    Bayram günlərində bunları etmək sünnətdir:

1. Tezdən qalxmaq.
2. Qüsl almaq.
3. Misvaq istifadə etmək.
4. Gözəl ətir sürtmək.
5. Yeni və təmiz paltar geyinmək.
6. Küsülüləri barışdırmaq.
7. Qəbirləri ziyarət etmək.
8. Üzük taxmaq.
9. Gülər üzlü olmaq.
10. Məscidə tezdən getmək.
11. Məscidə gedərkən təkbir söyləmək.
12. Möminlərə salam vermək.
13. Möminlərlə bayramlaşmaq.
14. Kasıblara sədəqə vermək.
15. Qohumları ziyarət etmək.
16. Din qardaşını ziyarət etmək.
17. Ziyarətdə hədiyə aparmaq.
18. Qonaqlara ikram etmək.
19. Çox dua və tövbə etmək.

BAYRAM NAMAZI NECƏ QILINIR?

    Bayram namazı iki rəkatdır. Camaatla qılınar. Birinci rəkatda Subhanəkə-dən sonra əllər üç dəfə qulaqlara qaldırılıb birinci və ikincisində iki yana salınır. Üçüncüsündə göbək altına bağlanır. Fatihə və zammı-surə oxunub rükü və səcdələr edilir. İkinci rəkata qalxaraq, Fatihə və zammı-surə oxunduqdan sonra iki əl yenə üç dəfə qulaqlara götürülür. Üçündə də əllər yana sarılır. Dördüncü təkbirdə əllər qaldırılmayıb rüküyə əyilir.  Səcdələr edilib oturduqdan sonra salam verilir.