SAĞLAMLIQ YUXUSUZLUĞUN ZİYANI HAQQINDA

Tez-tez yuxusuz qalmaq beyni beş il geri salır.

Tədqiqatlar göstərir ki, yuxusuzluq və yuxunun digər pozuntuları baş beyin üçün çox zərərlidir. Kaliforniya Pasifik Tibb Mərkəzinin Tədqiqat İnstitutunun mütəxəssisləri araşdırma nəticəsində belə qənaətə gəliblər.

2820 nəfər üzərində aparılan müşahidə göstərib ki, bir neçə il yuxusuzluqdan əziyyət çəkənlərin yaddaşı və diqqəti itir. Əqli pozuntuların yaranması riski 50% artır, bu da real yaşın üzərinə gəlinmiş 5 ilə bərabərdir.

Beynin işinə hətta bir neçə gecəlik yuxusuzluq da çox pis təsir göstərir: planlaşdırmaq, qərar qəbul etmək, səhv tapmaq, məntiqi düşünmək qabiliyyətləri pozulur. Cəmi bir yuxusuz gecə isə beyində başın bir yerə dəyərək əzilməsi zamanı yaranan zədəyə bərabər dəyişikliyə səbəb olur.

İş burasındadır ki, yuxu zamanı beyin toksinlərdən təmizlənir. Bu baş vermədikdə isə, neqativ, bəzi vaxtlar isə geri dönüşü mümkün olmayan dəyişikliklər baş verir.

PRAKTİK BİLGİLƏR

• Şüşələrdəki qalan yağlı boya ləkələrini təmizləmək üçün sirkəylə isladılmış bir parça ilə silinir.
• Kilid və ya qıfılların paslarını təmizləmək üçün, paslı yerlər sodalı su ilə ovulur.
• Biskvitlərin təzə qalması üçün qutularının içinə bir neçə ədəd kəsmə şəkər atılır.
• Təzə balığın qəlsəmələri nəmli, qırmızı və parlaqdır. Köhnə olanların isə, quru, qəhvəyi və solğundur.
• Alınan ciyərin təzəliyi pərdəsini soyaraq aydın ola bilər. Pərdə, kiçik parçalara ayrılaraq çətin soyulursa köhnə, asan və böyük parçalar halında soyulursa təzədir.
• Balığa barmağınızı basdığınız zaman, diri və elastik olanları təzədir. Üzərində barmağınızın izi qalırsa, bayatdır.