MƏNQİBƏ ..................................................ALLAHA ŞÜKÜR ETMƏK

Musa aleyhissəlam Allahu təalaya belə sual etdi:

    “Ya Rəbb! İnsanlar verdiyin nemətlərin şükürünü necə yerinə gətirə bilərlər?”

    Allahü təala buyurdu ki:

    “Ey Musa! Bir kimsəyə verdiyim neməti məndən bilib, özündən bilməzsə, nemətlərimin şükürünü əda etmiş olur. Bir qulum ruzisini öz çalışması ilə bilib, məndən bilməzsə, nemətin şükürünü əda etməmiş olur”.

    Allahü təala Hədisi-qüdsidə buyurdu ki:

    “İnsanları və Cinləri mən yaratdım. Onlar isə məndən başqasına ibadət edir, tapınır. Ruzilərini mən verirəm, başqasına şükür edirlər.”

    Davud aleyhissəlam Allahü təalaya minacat edib dedi ki:

    “Ya Rəbb! Adəm aleyhissəlama o qədər ikram və ehsanlar verdin. O sənə necə şükür etdi?”

    Allahü təala buyurdu ki:

    “Ey Davud! O bütün bu ikramların mənim tərəfimdən ona verildiyini bildi. Bu bilməsini onun şükürü olaraq qəbul etdim”