HEYVANLAR ALƏMİ ..................................................... AT NÖVLƏRİ (2)

PONİ: Kiçik bir at növüdür. Ağıllı, sakit və itaətli olduğu üçün uşaqlar üçün bənzəri tapılmaz bir minik heyvanıdır. Müxtəlif nömrələr öyrədilən Ponilər sirklərdə insanı heyrətə gətirəcək hünərlər göstərirlər. Ponilərin ən tanınmış növü ana vətəni Şotlandiyanın şimalındakı Shetland adası olan və adını bu adadan “Shetland ponisi”dir. Eyni zamanda kiçik və yüngül gəzinti arabalarına qoşularaq istifadə edilə bilərlər.

SÖHBƏT                                                                   AİLƏ SƏADƏTİ

    İndiki zamanda bir çoxları öz ailələrini özləri dağıdırlar. Deyinmələr, tənqid, münaqişə, qəlb incidən sözlər bir ailənin dağılmasına və ya hüzursuz hala gəlməsinə səbəb olur. Heç kim tənqiddən xoşlanmaz, təqdir umar. Nəfsimiz tənqiddən deyil, təqdirdən xoşlanar. Təqdir etməklə bir itkimiz olmadığı kimi, bir insanın qəlbini qazanmaq fəzilətinə də sahib olarıq.

    Yeməyimizi bişirən, paltarlarımızı yuyan, uşaqlarımıza baxan, evimizi səliqəyə salan bir xanıma təqdirlərimizi bildirməyimiz, təşəkkür etməyimiz qədər təbii bir şey ola bilməz. Bu təqdirdən məhrum olanların evində huzur olmaz.

    Yad insanlarla sərt danışmaqdan çəkindiyimiz halda, evimizdə sərt danışmaqdan çəkinmərik. Halbuki evdəki səadət, iş həyatındakı nəzakətdən daha mühümdür. Huzur milyonlar qazanmaqdan daha əhəmiyyətli deyilmi? O halda evimizdə təqdir edici, nəzakətli və gülər üzlü olsaq, ailədə keçimsizlik deyə bir şey olmaz.