MARAQLI.................................................................... ƏN SİMİC İNSAN

Bəşər tarixində ən simic insan – Heti Qrin (Hetty Green, 1834-1916).

    Amerika və dünya tarixində ən bacarıqlı qadın biznesmen. 1916-cı il üçün dünyanın ən varlı qadını. Ölümündən sonra qalmış şəxsi sərvəti o vaxtki pulla 200 milyon dollar (indiki pulla 4,3 milyard dollar).

Heti bəşər tarixinə həm də ən simic insan kimi düşüb (Ginnes rekordlar kitabı). Hetinin simicliyi haqda bəzi məlumatlar:

- evdə qızdırıcı sistemi heç vaxt işlətməz, yalnız soyuq sudan istifadə edərdi, sabun işlətməzdi, ən ucuz nəqliyyatdan istifadə edərdi;

- adamlar onu həmişə eyni qara, köhnə donda görərdilər. Buna görə ona “Uolt-Srtitli küpəgirən” ləqəbi verilmişdi;

- ən ucuz kafelərdə oturar, o dövr üçün ən ucuz qida (15 sentlik piroq) sifariş edərdi;

- bir dəfə nəqliyyatda salıb itirdiyi 2 sentlik markanı gecə yarıyadək axtarmışdı;

- mağazadan sınıq peçenye alırdı, sınıq peçenyelər bütövlərə nisbətən ucuz satıldığına görə;

- iti üçün pulsuz ya da ucuz sümük almaq üçün qəssab dükanında növbəyə durardı;

- kiçik oğlu Ned ayağını sındıranda Heti onun müalicəsinə pul verməyə qıymadı, kasıblar üçün pulsuz müalicə edən klinikalara üz tutdu. Müalicə gecikdiyindən nəticədə həkimlər Nedin ayağını kəsməli oldular;

- Heti ev qulluqçusu ilə süd üstündə mübahisə edərkən ürək tutmasından öldü.