TARİX ............................. XOCALI FACİƏSİNDƏN ACI BİR XATİRƏ

Xocalı faciəsinin şahidi olmuş X. Orucova başına gələnləri belə nəql etmişdir:

“Mən əsir düşməmək üçün ailə üzvlərimlə meşəyə qaçdım. Bir neçə gün yol getdikdən sonra anamın həyəcandan ürəyi dayandı. Bacımın ayaqları dondu və qanqrenadan öldü. Bir həftədən sonra erməni kəndinin yaxınlığındakı qəbristanlıqda dincəlmək istədik. Burada isə atamın ürəyi dayandı. Sonra ermənilər bizi girov götürdülər. Yüzlərlə girovu donuz fermasına yığmışdılar. Azərbaycanlılara dəhşətli əzablar verirdilər. Bir oğlanı avtomatın qundağı ilə döyə-döyə öldürdülər, birinin isə gözümüzün qarşısında başını kəsdilər. Divarlara güllələnmiş və əzabla öldürülmüş çoxsaylı insanların qanı çilənmişdi. İnsanların qulaqlarını kəsir, ayaqlarını əzirdilər, meyitləri təpikləyirdilər. Mənim ayaqlarımı qaynar suya saldılar, dırnaqlarım töküldü. Ayaqlarım qanqrena olmuşdu və girovluqdan azad edildikdən sonra onları kəsdilər.”

EŞİTDİNİZMİ?                                                       SİÇAN VƏ İLAN

    İsrailli bir qadının evdə bəslədiyi 3 metrlik nəhəng piton ilanı özünə yem deyə verilən kiçik bir siçan tərəfindən dişlənərək iflic edildi. İsrailin Eilat şəhərində yaşayan Lilian adlı qadın ilanın qəfəsinə yeməsi üçün kiçik bir siçan buraxdı. Daha sonra çölə çıxan qadın evə gəldiyi zaman nəhəng ilanın ağır şəkildə yaralanmış olduğunu gördü. İlanı dərhal baytara aparan Lilian heyvanın həyatını qurtardı amma, bel sümüyündən dişlənən ilan iflic oldu.