SÖHBƏT .........................................DİNİMİZDƏ QADININ YERİ

    İslamiyyətdən əvvəl qadının heç dəyəri yox idi. Ərəblər qız uşaqlarını diri-diri torpağa basdırırdılar. Kəbə ətrafında belə qadınlar çılpaq gəzirdilər. Müsəlmanlıq gələndə bu pis adətlərə son verildi.

    Bu gün də dünyanın bir çox yerində qadınlar alçalmaqdadır. Rusiyada da qadına zülm edildi. Zorla kolxozlarda işlətdilər. Kişi kimi ən ağır işlərdə, kişi müdirlərin təzyiqi altında insafsızca bir qarın yeməyə heyvanlar kimi ən ağır işlərdə zorla işlətdilər. Lakin zülm çox çəkmədi. Məlum olan aqibətə uğradı.
    Azad dünya dedikləri Xristiyan ölkələrdə və İslam ölkələri deyilən Ərəb ölkələrində “Həyat müştərəkdir” deyilərək qadınlar da fabriklərdə, tarlalarda, ticarətdə kişilər kimi işləyirlər. Çoxusunun evləndiklərinə peşman olduqları, məhkəmələrin boşanma işləri ilə dolu olduğu gündəlik qəzetlərdə sıx-sıx görülür. Qadınlar İslam dininin onlara verdiyi qiyməti, rahatı, dincliyi, hürriyyəti və boşanma haqqına malik olduqlarını bilmiş olsalar, bütün dünya qadınları dərhal Müsəlman olarlardı.  Müsəlmanlıqda qadın sultandır. Dinimiz qadına çox dəyər vermiş, kişiyə də çox məsuliyyət yükləmişdir. İslamiyyətdə qadın ev içində və çölündə işləmək, pul qazanmaq məcburiyyətdə deyil. Evli isə əri, evli deyilsə atası, atası yox isə ən yaxın qohumu işləyib onun hər ehtiyacını qarşılamağa məcburdur. Ona baxacaq heç kimsəsi olmayan qadına dövlətin təyin etdiyi şəxs baxar.

    Hədisi-şəriflərdə buyuruldu ki:

    “Xanımlarınızı üzməyin. Onlar Allahü təalanın sizə əmanətidir. Onlara qarşı mülayim olun, yaxşılıq edin.” (Müslim)

    “Bir mömin pis xasiyyətlidir deyə xanımına hirslənməsin Yaxşı xasiyyəti də olur. ” (Müslim)

    “Qadın zəif yaradılmışdır. Zəyifliyinə susaraq qalib gəlin.Evdəki qüsurlarını görməməyə çalışın.” (İbni Lal)