ŞƏXSİYYƏT ......................................... HƏZRƏTİ İMAM CƏFƏRİ SADİQ

İmam Cəfəri Sadiq həzrətləri Əhli beytdən olub on iki imamın  altıncısı, “Silsiləi-aliyyə” deyilən böyük İslam alimlərinin dördüncüsüdür. Atası Muhamməd Baqir, babasının babası Həzrəti Əlidir (radıyallahu anh).

 Elm və fəzilətdə zamanın təki oldu. Din bilgilərində olduğu kimi, zamanın bütöv fənn elmlərində  də söz sahibi idi. Yetişdirdiyi tələbələr cəbr və kimya elmlərində müxtəlif kəşflər etmişlər, bu elmlərin əsas sistemini qurmuşlardır. Fizika və kimya elmlərinin mövzusunu təşkil edən maddə və onlar üzərindəki bilgisi çox idi. Kimyanın atası sayılan Cabir də, Cəfəri Sadiq həzrətlərinin tələbəsidir.

    İmam Cəfərin ən məşhur tələbəsi olan İmam Azam Əbu Hənifə, Cəfəri Sadiqin söhbətlərinə iki il davam edərək, o məxfi və açıq bacarıq qaynağından elm və övliyalıq yolunda çox faydalandı. İmamı Azam onun hüzurunda qovuşduğu yüksək mərtəbələri  anlatmaq üçün, “O iki il olmasaydı, Numan həlak olardı” buyurmuşdur.

    Həqiqi İslam alimləri dinimizi  heç dəyişdirmədən bu günə qədər çatdırmışdır. Bu alimlərdən iman bilgilərini çatdıranlara “Mütəkəllimin”, ibadətlərin necə olacağını bildirənlərə “Fukaha”, qəlb ilə ediləcək və çəkiniləcək şeyləri öyrədən elmə “Təsəvvüf” və bu elmin alimlərinə də “Mutasavvıf” deyildi. Beləliklə də İmamı Cəfər Sadiq həzrətləri bu üçüncü elmi anlatdı.

    İmam Cəfəri Sadiq həzrətləri (rahmətullahi aleyh) buyurdu ki:

    “Bu insanlarla birlikdə olmaqdan çəkinin:

1. Yalançıdan.
2. Xəsisdən.
3. Axmaqdan. Çünki ən çox işinə yarayacağı zaman səni buraxar.
4. Fasiqdən, yəni günah işləməkdən utanmayandan !”

    “Bir  səhv işlədiyiniz vaxt istiğfar edin, səhvdə israr həlak olmağa səbəbdir.  Bir kimsə kasıbçılıqdan əziyyət çəkirsə istiğfara davam etsin.”

    “Sədəqə verərək ruzinizi çoxaldın. Zəkat verərək mallarınızı qoruyun, qənaətə riayət edən çətinlik çəkməz. Tədbirli, nizamlı yaşamaq, dolanışığın yarısıdır.  İnsanlarla yaxşı keçinmək, ağılın yarısıdır. Müsibət vaxtında dizini döyən savabından məhrum olar.”

    “Bu dörd şeyin azı da çoxdur : Atəş, düşmən, yoxsulluq, xəstəlik.”