SÖHBƏT....................................... FƏRZ

    Allahü təalanın yerinə yetirilməsini ayəti-kərimə ilə açıq-aydın və qəti olaraq əmr etdiyi şeylərə fərz deyilir. Fərzləri tərk etmək haramdır. İnanmayan və yerinə yetirlməsinə əhəmiyyət verməyən kafir olar. Fərz iki növdür:

    Fərzi-Ayn: Hər mükəlləf olan müsəlmanın birbaşa özünün yerinə yetirməsi lazım olan fərzdir. İman etmək, dəstəmaz almaq, qüsl etmək (boy dəstəmazı almaq), beş vaxt namaz qılmaq, Ramazan ayında oruc tutmaq, zəngin olunca zəkat vermək və həccə getmək fərzi-ayndır. (Otuz iki fərz və əlli dörd fərz məşhurdur).

    Fərzi-Kifayə: Müsəlmanlardan bir neçəsinin və ya sadəcə birinın etməsi ilə digərlərinin məsuliyyətdən azad olunduğu fərzlərdir. Verilən salamın cavabını söyləmək, cənazəni qasl etmək (yəni yumaq), cənazə namazı qılmaq, Qurani-Kərimin tamamını əzbərləyib hafiz olmaq, cihad etmək, sənətinə, ticarətinə lazım olandan artıq din və fənn elmlərini öyrənmək kimi fərzlər belədir.

LƏTİFƏ......................................TUTUQUŞU

    Kəndlinin biri şəhərdə gəzərkən, bir evin pəncərəsində yaşıl bir Tutuquşu görür. Heyran-heyran tutuquşuya baxaraq: “Aman Allahım, bu quşun rənginin gözəlliyinə bax!” deyərkən, tutuquşu cır səslə qışqırır:

• - Nə baxırsan elə?

- Kəndli maraq və qorxu ilə cavab verir:

• - Bağışda sən canı, mən səni quş zənn etdim.