HEKAYƏ ............................................ BÖYÜK YAXŞILIQ

Adam qapını açdığı zaman polislərlə qarşılaşdı. Həyəcanla soruşdu:

 -  Buyurun, bir şey istəmişdiz?

    Rəis cavab verdi:

 -  Bəy, evinizi soyan oğrunu tutmuşuq.

    Adam, gənc oğruya bir müddət baxdıqdan sonra, “Buyurun, içəri girin!” deyə kənara çəkildi. Hamısı birlikdə qonaq otağına keçdilər. Adam, əvvəl polislərin sonra da gəncin əlini sıxdı.

 -  Gəldiyinizə sevindim. Bu gənclə tanış olmağı da çox arzu edirdim.

    Polislərdən biri sözə qarışdı:

 -  Bu cavan polis deyil, oğrudur.

 -  Oğru olduğunu bilirəm amma, indi şikayətçi deyiləm artıq.

    Hər kəs təəccüb etdi. Adam, qonaqlara çay verdikdən sonra söhbətə davam etdi:

 -  Evimə oğru girmədən əvvəl, gec vaxtlara qədər oturar, yuxuya qalıb sübh namazlarına bəzən qalxa bilməzdim. Və çox istədiyim halda gündə bir səhifə belə Qurani-Kərim oxumağa vaxt tapa bilməzdim. Qıldığım namazlar da tələsikdən həmişə əskik olardı. Bu cavan oğlan məni bu qəflətdən xilas etdi. Çünki televizorumu oğurlamışdı.