TARİX İKİ YUSİF HEKAYƏSİ (2)

    2. Dalmaçyanın Nadin qəsəbəsində Sancaq Bəyin anbarında xidmətçi olaraq çalışan 13 yaşında bir uşaq vardı. Bu kimsəsiz uşağa bir dul qadın mərhəmət edərək çılpaq ayaqlarına bir cüt böyük köhnə ayaqqabı geydirmişdi.

    O sırada Nadindən bir qapıçı-başı keçdi. Bu uşağın zəka ilə parlayan gözləri və gözəlliyi diqqətini çəkdi. Uşağı İstanbula gətirdi. Onu saraya verdi. Uşağa gözəlliyindən ötəri Yusif adı verildi.

Nadinli Yusif qısa bir vaxtda yüksələrək Kapitan Paşa oldu. Bir gün Nadinə, Paşanın bir adamı gəldi və Sancaq Bəyə möhürlü bir dəri torba verdi. Bu məktubda da bunlar yazılı idi:

“Filan yerdə oturan Marya adında bir dul qadın vardır, bu torba əgər sağ isə o dul qadına veriləcəkdir.”

    Qadın sağ idi, çox kasıb olmuşdu. Torba ona təslim edildi. Torbanın içində bir cüt böyük köhnə ayaqqabı vardı və içləri qızıl doldurulmuşdu.

    Paşa, torbanın içinə qısa bir məktub yazmışdı:

“Anacan, bir qış günü, donmuş çılpaq ayaqlarına bu ayaqqabıları geydirdiyin kimsəsiz uşaq, ölənə qədər səni unutmayacaqdır.”