SÖHBƏT ............................................... BORCU GECİKDİRMƏ CƏZASI

    Borcunu vaxtında ödəməyən kimsənin gəlib möhlət istəməsi lazımdır. Ödəmə imkanı olduğu halda borcu gecikdirmək günahdır.  

    Hədisi-şəriflərdə buyuruldu ki:

    “Hər hansı bir kimsə imkanı olduğu halda borcunu verməyib gecikdirərsə, [borcunu verənə qədər] hər gün əməl dəftərinə zülm etmə günahı yazılar.” [Tabərani]

    “Ödəməmək niyyətiylə borclanan, Qiyamətə oğru olaraq gələr.” [İ.Macə]

    “Aldığı borcu ödəmək istəməyənə Allahu təala qiyamətdə, “Bu kimsənin haqqını səndə buraxacağımı zənn etdin?” buyuraraq o kimsənin yaxşı əməllərini alıb digərinə verər, əgər borcunu verməyənin yaxşı əməli yoxdursa, borc verənin pis əməllərini, günahlarını borcluya yükləyər.”  [Tabərani]

    “Zənginin  [ödəmə imkanı olanın] borcunu ödəməyib, oyalaması zülmdür.” [Buxari]

    [Borcu vaxtında ödəməməyə zülm, ödəməyənə də zalım deyilmişdir.]

    “Allahu təala zalım zəngini sevməz, ondan nifrət edər.” [Bəzzar]

Borcu olanın borcunu ödəmədən sədəqə verməməsi lazımdır. Çünki hədisi-şərifdə, “Borcu var ikən verilən sədəqə qəbul olmaz” buyuruldu. (Buxari)

    Verilməyən zəkat da borcdur. Borcu ödəmək, zəkat vermək fərzdir. Zəkat borcu olanın verdiyi sədəqə qəbul olmaz. Əvvəl bu borcları ödəmək lazımdır. Bunun kimi fərz borcu olanın nafilə namazları da qəbul olmaz. Sünnətlər də nafilə deməkdir. (N.Fıqhiyyə)