SÖHBƏT ....................................................ELM-ƏMƏL-İXLAS

    İslam dininin təməli - elm, əməl və ixlas olmaq üzrə üçdür. Elm, iman, fiqh və əxlaq bilgiləridir. Əxlaq bilgilərinə təsəvvüf deyilir. Əməl, bu bilgilərə uyğun olan işlərdir. İxlas, elmin və əməlin Allah rizası, yəni Allahu Təalanın sevgisini qazanmaq üçün əldə edilməsidir.

    Doğru olan həqiqi elm insana acizliyini, qüsurunu və Rəbbinin böyüklüyünü, üstünlüyünü bildirir, Yaradanına qarşı qorxusunu və məxluqlara qarşı təvazökarlığını artırar. Qul haqlarına əhəmiyyət verər. Belə elmi öyrətmək və öyrənmək fərzdir ki, buna İlmi-Nafia, faydalı elm deyilir. Adamın ixlas ilə ibadət etməsinə səbəb olur.

    Elmin qiymətli, şərəfli olması əvvəlcə yaxşı niyyətə bağlıdır. Elmi, cəhalətdən və nəfsinin istəklərindən xilas olmaq üçün öyrənmək lazımdır. Ayrıca, öyrəndiyi elm ilə əməl etmək, başqalarına öyrətmək və onları ixlas ilə etmək lazımdır. Əməl və ixlas ilə olmayan elm zərərlidir.

Hədisi-şərifdə, “Allah üçün  olmayan elmin sahibi Cəhənnəmdə atəşlər üzərinə oturdulacaq,” buyuruldu.

    Dünyalıq ələ keçirmək üçün elm öyrənmək, yəni dini dünyaya alət etmək, qızıl qaşıqla nəcasət yeməyə bənzəyir. Dini dünya qazancına alət edənlər, din oğrularıdır.

    Hədisi-şərifdə; “Din bilgilərini dünyalıq ələ keçirmək üçün əldə edənlər, Cənnətin qoxusunu duymayacaqlar”, buyuruldu.

    Bunun üçün dinini dünyalıq ələ keçirmək üçün öyrənənlər, bidət sahiblərinin yazdıqları kitabları oxumaq və belə kəsləri dinləmək, insanı fəlakətə aparar, Cəhənnəmə sürükləyər.

    Dinimizi doğru olaraq öyrənmək üçün dini kitab oxumaqda əsas məqsəd, qəlbin təmizlənməsi və doğru bilgilərin öyrənilməsidir. Qəlbi təmizləməyən, nəqli əsas almayan, doğru məlumat verməyən bir kitabdakı bilgi insan üçün çox zərərlidir. Onun üçün hər kitab deyil, nəqli əsas alan doğru yazılmış din kitablarını oxumaq lazımdır.