SÖHBƏT ............................................................ SƏHƏR VAXTI VƏ SAHUR (2)

Sahura qalxmadan oruc tutmaq günah deyildir. Ancaq sahura qalxmaq çox savabdır. Hədisi-şəriflərdə buyuruldu ki, “Sahura qalxın, sahurda bərəkət vardır.” [Buxari]“Sahurda yemək yeyərək oruc tutmağınıza kömək edin”[Beyhəki] “Sahur yeməyinə qalxmaq Allahın sizə bağışladığı bərəkətdir, bunu əldən verməyin” [Nəsai] “Yedikləri halal olmaq şərti ilə hesaba çəkilməyən üç nəfər oruclu, sahur yeməyi yeyən və Allah yolunda keşik çəkəndir” [Nəsai] “Möminin sahurunun xurma ilə olması nə gözəldir”   [Əbu Davud] “Sahur yeməyi mübarəkdir, sahurun tamamı bərəkətdir. Bir qurtum su üçün də olsa sahura qalxın! Allahü təala və mələkləri sahura qalxanlara salatu və salam edər” [İ. Əhməd]

SAĞLAMLIQ ................................. TƏTİL STRESSİ

Tətilin ümumiyyətlə stressdən uzaq durmaq üçün bir yol olduğu hər kəsə məlumdur. Ancaq mütəxəssislərə görə tətil, zamana verilən həddən artıq əhəmiyyət üzündən, bəzən gündəlik iş həyatı qədər stressli olur.

Xüsusilə uçuşun gecikməsi, yoldakı tıxaclar, itən baqajlar və s... İnsanların özlərini yorğun hiss etmələrinə səbəb olur.