ŞƏXSİYYƏT ........................................... MAHATMA QANDİ (2)

“Müslimânlar, ən əzəmətli və müzəffər günlərində belə tərəfkeş olmamışdır. İslamiyyət, dünyanı Yaradanda və Onun əsərinə heyran olmağı əmr edir. Qərb, qorxunc bir qaranlıq içində ikən, Şərqdə parlayan göz qamaşdırıcı İslam ulduzu, əzab çəkən dünyaya işıq, sülh və rahatlıq vermişdir. İslam dini, yalançı bir din deyil. Hindlilər bu dini hörmətlə araşdırdıqları zaman onlar da islamiyyəti mənim kimi sevəcəklər. Mən, islam dininin Peyğəmbərinin və Onun yayında olanların necə yaşadıqlarını bildirən kitablar oxudum. Bunlar, məni o qədər maraqlandırdı ki, kitablar bitdiyi zaman, bunlardan daha çox olmamasına üzüldüm. Mən belə bir qənaətə gəldim ki, islamiyyətin sürətlə yayılması qılıncla olmamışdır. Əksinə, hər şeydən əvvəl onun sadəliyi, məntiqli olması və Peyğəmbərinin böyük təvazökarlığı (sadə), sözünə daim əməl etməsi, yaxınlarına və müsəlman olan hər kəsə qarşı sonsuz sədaqəti səbəbi ilə İslam dini bir çox insanlar tərəfindən sevə-sevə qəbul edilmişdir.

Müsəlmanlıq rahibliyi ortadan qaldırmış. Müsəlmanlıqda, Allahu təala ilə qul arasında vasitəçilik edən kimsə yoxdur. İslamiyyət, başından bəri sosial ədaləti əmr edən bir dindir. Yaradan ilə yaradılan arasında, ayrı bir müəssisə yoxdur. Qurani-kərimi [yəni onun təfsirini və İslam alimlərinin kitablarını] oxuyan hər kəs Allahu təalanın əmrlərini öyrənər və Ona tabe olar. Bu xüsusda Allahu təala ilə arasında heç bir maneə yoxdur. Xristianlığın bir çox əskikləri olduğu üçün, çeşidli islahatlar edilmək məcburiyyətində qalındığı halda, müsəlmanlığın isə ilk günündəki şəklindən heç bir şey dəyişdirilməmişdir. Xristianlıqda, demokratik ruh yoxdur. Bu dinə demokratik bir vəchə vermək üçün xristianların milliyyət hisslərinin artması və buna görə islahatlar edilməsi lazımdır.”

(Hər kəsə lazım olan kitabı-dan)