MARAQLI ................................................ GÖYDƏLƏN-QƏBİRİSTANLIQ

İtaliyanın Verona şəhərində hündür mərtəbəli bina şəklində qəbiristanlıq tikilə bilər. Layihəyə görə, “göydələn qəbiristanlıq” 33 mərtəbəli olacaq və burada 24 min məzarın yerləşdirilməsi nəzərdə tutulub. Artıq Şəhər Şurasının bəyəndiyi layihənin qəbul edilməsi məzarlıqlar üçün şəhərdə yer qalmaması ilə əlaqələndirilib.

Burada mərhumun külü, eləcə də cəsədi tabutda basdırıla bilər.

Bununla yanaşı şəhərin rəsmi nümayəndəliyi layihə barədə sonuncu qərarın hələ qəbul edilmədiyini, bunun üçün Şəhər Şurasında səsvermənin keçiriləcəyini bildirib.

Bununla belə, məmurlar göydələn-qəbiristanlıq tikməyə qərar vermiş şirkətin təqdim etdiyi layihənin çox əlverişli olduğunu qeyd ediblər. Tikinti şirkəti isə əraziyə real qiymətindən dəfələrlə artıq pul təklif edir. Əgər bu ərazi əvvəl 750 min avroya satılırdısa, “Cielo İnfinito” 11,5 milyon ödəməyə hazır olduğunu bəyan edib.

Şirkət qeyri-adi qəbiristanlığın inşasında israrlıdır.

Dünyasını dəyişənlər üçün çoxmərtəbəli “bina ucaltmaq” ideyası Avropada ilk dəfə Norveçdə reallaşdırılıb. Layihə təxminən 1 il bundan əvvəl Norveçdə təqdim edilib. Hazırda Hindistanda belə bir tikinti var. Mərhumların külləri “Moksha tower” adlı məzarlıqda saxlanılır. Oxşar tikinti artıq Braziliyada da var.