SÖHBƏT...............................................ÖRNƏK BİR DUA

Hüseyn ibn Səid İstanbuli həzrətlərinin namazlardan sonra etdiyi dua:

  Ya Rəbbi! Qıldığımız namazları qəbul et! Axır və aqibətimizi xeyirli et! Son nəfəsimizdə kəlimeyi-təhvid söyləməyimizi nəsib et! Ölülərimizi əfv və məğfirət et!

  Ya Rəbbi! Bizi şeytan və düşmənin şərindən, nəfsi əmmarəmizin şərindən mühafizə et! Evimizə yaxşılıqlar, xeyirli və bərəkətli ruzilər lütf et! İslam əhlini salamat et! Din düşmənlərini rəzil və pərişan et! Müsəlmanlara imdad-ilahiyyən ilə imdad et!

  Ya Rəbbi! Xəstələrimizə şəfa, dərdlərimizə dəva ver! Riyadan, nifaqdan, hər cür xəstəlikdən, qəzadan, bəladan, tənbəllikdən, acizlikdən, zəlil olmaqdan, zülm görməkdən, azdıran zənginlik və azdıran kasıblıqdan, şeytan və nəfsin şərindən, düşmənin qələbəsindən, pis əxlaqdan, bidət işləməkdən, dəlalətə düşməkdən, ixlassız əməldən, hər növ günahdan, küfrə girməkdən, rəzil ömürdən, ölən zaman gələcək fitnələrdən, dinimizə və dünyamıza zərər verəcək şeylərdən bizləri qoru!

  Ya Rəbbi! Həqiqi iman, gözəl bir əxlaq, şüküredici bir qəlb, zikredici bir dil, qəza və qədərə razılıq göstərən xeyirli bir ömür, az yemək, az yatmaq, az danışmaq, az gülmək və dininə çox xidmət etməyi, qəbr əzabından və axirət dəhşətindən xilas olmağı, ömrüm boyu razılığına uyğun iş görməyi, şəhid olaraq ölməyi və son nəfəsdə əhli sünnət etiqadına uyğun bir iman və tövbə etməyi nəsib et!

  Ya Rəbbi! Öz sevgini, sevdiklərinin sevgisini, sevginə qovuşduran əməllərin sevgisini nəsib et! Elmimizi, ixlasımızı, qabiliyyətimiz artır, muratlardan, muhlaslardan olmağımızı nəsib et, comərd və isar sahibi olan qullarından et!

  Ya Rəbbi! Ana atamıza və övladlarımıza, qohum və dostlarımıza və bütün din qardaşlarımıza xeyirli ömürlər və gözəl əxlaq, səlim ağıl və sağlam həyat, rüşdü hidayət və istiqamət lütf et!  Amin!..

  Vəlhamdülillahi Rəbbilaləmin. Allahummə salli ala..., Allahummə barik ala..., Allahummə Rabbəna atina... Vəlhamdülillahi Rəbbilaləmin. Sübhanə Rabbikə...