SÖHBƏT ........................................................ ZİLHİCCƏ AYININ FƏZİLƏTİ (1)

    Qurban bayramının olduğu aya Zilhiccə deyilir. Zilhiccə ayının ilk on günündə edilən ibadətlərin qiyməti çoxdur. Bu xüsusdakı hədisi şəriflərdən bir neçəsi belədir:

    “Zilhiccənin ilk günlərində tutulan oruc bir il oruc tutmağa, bir gecəsini əhya etmək də Qədir gecəsini əhya etməyə əvəzdir.” [İbni Macə]

    “Zilhiccənin ilk on gecəsində edilən əməl üçün, 700 misli savab verilər.” [Beyhəqı]

    “Tərviyə günü oruc tutub günah söz söyləməyən Müsəlman, Cənnətə girər.” [Ramıq]

    “Zilhiccənin ilk 9 günü oruc tutan, hər günü üçün yüz kölə azat etmiş və ya cihad edənlərə yüz at vermiş yaxud Kəbəyə qurban üçün yüz dəvə göndərmiş kimi savab alar.” [R. Nasıhin]

    “Bu on günün xeyirindən məhrum olana təəssüflər olsun! Xüsusilə doqquzuncu [Ərəfə] günü orucla keçirməlidir! Onda o qədər çox xeyr vardır ki, saymaqla bitməz.” [T. Qafilin]

    “Zilhiccənin ilk 9 günü oruc tutana, hər günü üçün bir illik oruc savabı verilər.” [Əbul Bərəkat]

    “Zilhiccənin ilk on günü fəzilətdə min günə, Ərəfə günüsə on min günə bərabərdir.”[Beyhəqı]

    “Zilhiccənin ilk on günündə edilən əməllərdən daha qiymətlisi yoxdur.” [Tabərani]

    Allah qatında Zilhiccənin ilk on günündə edilən əməllərdən daha qiymətlisi yoxdur. Bu günlərdə təsbehi, tahmidi, təhlili və təkbiri çox söyləyin! [Tabərani] Təsbeh: Sübhanallah, Tahmid: Əlhəmdülillah, Təhlil: La ilahə illəllah, Təkbir: Allahü Əkbər, deməkdir.

(davamı sabah)