MƏNQİBƏ.............................................................YÜZ QIZIL HƏDİYYƏMİ VERİN (1)

    Bir tacir səhradan keçərkən, içində 800 qızıl olan qızıl torbası düşüb itər. Uzun müddət axtarmasına baxmayaraq tapa bilməz. Bu əlamətdə torba itmişdir, tapıb gətirənə 100 qızıl hədiyyə verəcəyəm, deyə elan verir. Saleh bir gənc bu torbanı tapır. Xüsusi tikilmiş torbanı heç açmadan tacirə aparır və 100 qızıl hədiyyəsini gözləyir. Tacir öz əlləriylə tikdiyi torbanın heç açılmadığını görür, öz əlləri ilə tikişləri sökür və içindəki qızılları saymağa başlayır. Tam 800 qızıl sayır, yəni itirdiyi kimi tam olduğunu görür. Amma bu arada 100 qızıl hədiyyəni verməmək üçün bəhanə axtarır, gəncə deyir ki, yaxşı sən gedə bilərsən. Gənc, 100 qızıl hədiyəmi versəniz. Satıcı deyir ki, bu kisənin içində 900 qızıl var idi, indi isə 800 qızıl var, yəni sən 100 qızılını içindən onsuz da götürmüsən. Gənc, mən içində qızıl olduğunu belə bilmirdim, heç açmadan olduğu kimi sizə gətirdim, dedisə də tacir qəbul etmədi, sən 100 qızıl götürmüsən, daha başqa şey vermirəm, deyir. Gənc, qazıya gedib hadisəni izah edər, özünün oğurluqla ittiham olunduğu üçün şikayət etdiyini söyləyər. Qazı, taciri qızıl torbasıyla birlikdə yanına gəlməsi üçün çağırtdırır. Tacir gəlir, qazı hadisəni izah etməsini ondan tələb edir, tacir gəncə yalan söylədiyi kimi, qazıya da yenə eyni şəkildə izah edər. Torbada əvvəldən 900 qızıl olduğunu, indi isə 800 qızıl olduğunu, bu səbəbdən gəncin içindən 100 qızıl götürdüyünü söyləyir.

(davamı sabah)