SÖHBƏT ........................................................ TƏRVİYƏ GÜNÜ

    Zilhiccə ayının 8-ci gününə Tərviyə günü deyilir. O gün Hacılar Məkkədən Minaya çıxarlar. Tərviyə deyilməsinin səbəbi Hacıların o gün Zəmzəm  suyundan çox içib doymalarıdır. Tərviyə təfəkkür mənasında da istifadə edilir.

    İbrahim əleyhissəlam, Zilhiccə ayının 8-ci gecəsi yuxusunda “Öz oğlunu kəsdiyi vəziyyətdə” gördü. Səhər olanda “Yuxu şeytanidirmi, Allah tərəfindəndirmi?” deyə tərviyə və təfəkkürə dalıb, o günü təfəkkürlə keçirdi. Arəfə gecəsi olduğunda ona”Əmr olunduğun şeyi yerinə gətir” buyurulanda, Allahü təala tərəfindən olduğunu başa düşdü. Bildiyi üçün o günə Bilmək mənasına gələn Arəfə, deyildi. Arəfə Zilhiccənin 9-cu günüdür. Başqa günlərə Arəfə deyilməz.

    Hədisi-şəriflərdə buyuruldu ki:

    “Bir Müsəlman, Tərviyə günü (Arəfə günündən bir gün əvvəl) oruc tutarsa və günah söyləməzsə, Allahü təala onu əlbəttə Cənnətə qoyar”

    “Rəhmət qapıları 4 gecə açılır. O gecələrdə edilən dua, tövbə rədd olunmaz. Ramazan və Qurban bayramının 1-ci gecələri, Bəraət və Arəfə gecəsidir” 

LƏTİFƏ  ............................................    ASAN OXUMA

    Eynəklə yazıların daha yaxşı oxunduğunu eşidən bir nəfər optik dükanında yoxladığı hər eynəkdən sonra: - Xeyri yoxdu, bununla da oxuya bilmədim-deyirdi.

    Yorulan və səbri tükənən eynəkçi soruşdu: - Oxuya bilirsən?

    Adam ona heyrətlə baxaraq cavab verdi: - Oxumaq bilsəm, gözlüyü neynirəm?..