SÖHBƏT ............................................ QURBAN KƏSMƏYİN FƏZİLƏTİ

    Qurban nisabına malik olanın qurban kəsməsi vacibdir. Zərurətsiz qurban kəsməmək günahdır. Qurban kəsməsi vacib ikən içindəkilərin qurban kəsmədiyi ev inləyərək sahibinə qarğış edib, “Qurban kəsmədiyin kimi, Allahu təala sənə yaxşılıq etməyi nəsib etməsin!” deyər. O ev o il bəlalara düçar olar. Qurban kəsənin evi isə məmnun olar, sahibinə xeyir-dua edər. Bu baxımdan qurban kəsməyi bir nemət bilmək lazımdır! Qurban kəsən müsəlman özünü Cəhənnəmdən azad etmiş olar.

    Hədisi-şəriflərdə buyurulub:

    “Xəsislərin ən pisi [vacib olduğu halda] qurban kəsməyəndir”. [Əbədi səadət]

    “Qurbanın dərisindəki tüklərin sayı qədər sizə savab vardır. Qanının hər damlası qədər mükafat vardır. O, sizin mizanınıza qoyulacaq. Müjdələr olsun!”  [İbni Macə]

    “Savab ümid edərək qurban kəsən Cəhənnəmdən qorunar”. [Təbərani]
    “Qurban bayramında edilən əməllərdən Allahu təala qatında qurban kəsməkdən daha qiymətlisi yoxdur. Hələ qanı yerə düşmədən Allahü təala onu mühafizə edər. Onunla nəfsinizi təzkiyə edin, onu sevə-sevə kəsin!” [Tirmizi]

    “Kəsilən qurban Qiyamətdə ətiylə, qanıyla 70 dəfə böyüyərək mizana qoyular”. [İsfəhani]

    Peyğəmbər əfəndimiz, mərhəmət edərək bir gözdən əlili qırx addım aparanın Cənnəti haqq edəcəyini bildirmişdir. (Beyhəqı)

 (davamı sabah)