FİQH .................................................MİSVAQ İSTİFADƏ ETMƏK

     Dəstəmaz alarkən Misvaq istifadə etmək sünnəti-müəkkədədir.     Hədisi-şərifdə buyuruldu ki, “Misvaq istifadə edərək qılınan namaz, Misvaqsız qılınan namazdan yetmiş qat üstündür”.

     “Sirac-ül-vəhhac” kitabında Misvaq istifadə etməyin 15 faydası olduğu bildirilir:

1. Ölüm anında, şəhadət kəlməsini söyləməyə səbəb olar.  

2. Diş ətlərini qüvvətləndirir.

3. Bəlğəmi aradan qaldırar.

4. Ağız safrasını kəsər.

5. Ağız ağrısını aradan qaldırar.

6. Ağız qoxusunu aparar.

7. Allahu təala ondan razı olar.

8. Beyin damarlarını qüvvətləndirər.

9. Şeytan qəmlənər.

10. Gözləri nurlanar.

11. Yaxşılığı və xeyratı çox olar.

12. Sünnət ilə əməl etmiş olar.

13. Ağzı pak (təmiz) olar.

14. Fəsih-ul-lisan olar, yəni gözəl danışar.

15. Misvaqlı olaraq qılınan iki rükət namazın savabı, Misvaqsız olaraq qılınan yetmiş rükət namazın savabından daha çox olar.

     Misvaq, Ərəbistanda yetişən Ərak ağacının budağıdır. Düz tərəfindən iki santimetrə qədər qabığı soyulub bu hissəsi bir neçə saat suda saxlanılır. Sonra əzilincə, fırça kimi açılır. Ərak ağacı olmazsa, zeytun budağından düzəldilir. Qadınlar Misvaq yerinə, Misvaqdan istifadə sünnətinə niyyət edərək saqqız istifadə etməlidir.