SÖHBƏT ............................... ADAMA GÖRƏ HARAM, HALAL DƏYİŞƏR? (2)

• Hür qadın üçün, əl-üz xaric, bədəninin hamısını örtməsi fərz, açması  haram ikən, cariyə üçün elə deyil. Cariyə başını, qollarını hətta dizdən aşağısını da aça bilər. (Hindiyyə)
• Öz qardaşı ilə evlənmək haram ikən, başqaları ilə evlənmək haram deyil. (Bahrür-raik)
• Zənginlərin dilənməsi, hətta zəkat alması haramdır. Fəqət, bunun istisnaları da vardır. Məsələn hədisi-şərifdə buyurulur ki: “Elm öyrənməkdə olanın 40 illik ehtiyacı pulu olsa da, belə zəngin tələbəyə zəkat vermək caizdir.”  (Rədd-ül muxtar) Demək ki, zəngin birinə haram olan şey, başqa bir zənginə halal ola bilir.
• Leş və şərab haramdır. Aclıqdan və susuzluqdan öləcək olanlara haram deyildir. (Bəzzaziyyə)

Bəzi dərmanlar, məsələn penisilin, bəzilərinə allergiya verir, ölümünə səbəb ola bilər. Özünə allergiya edən dərmanlardan istifadə etmək haram olar. Amma bu dərmanlar başqasına haram olmaz.  (Bəriqa)

OXUYUCULARIMIZDAN BİR RİCA

    Təqvim yarpaqlarımızda ayəti-kərimə və hədisi-şərif məalları, mübarək adlar və şəkillər olduğu üçün, cıraraq yerlərə atılmamasını rica edirik.