SÖHBƏT ORUCU QƏZAYA BURAXMAQ

Sual: Ramazanda isti günlərdə oruc tutmayıb, qışda qəza edilsə savabı az olar?

 Cavab: Dini bir üzr olmadan orucu qəzaya saxlamaq haramdır, böyük günahdır. Namazı da qəzaya buraxmaq belə böyük bir günahdır. Hər ibadət vaxtında yerinə yetirilir. Sizə biri, “30 gün yeyib içmə, mən ayın sonunda sənə 30 aylıq xərclik verəcəyəm” desə nə deyərsiniz? Yaxud siz çox ac və susuzkən, “İndi yeyib içmə, bir ay sonra min ton çörək və bir ton su verərəm” desə nə deyərsiniz? Oruc ibadəti, dini bir üzr ilə qəzaya buraxılsa, tövbə edib qəzası tutulunca yalnız cəzadan xilas olur. Ramazanı-şərifdə tutulan savaba qovuşa bilməz. Ömür boyu oruc tutsa, Ramazanda tutulan bir gün orucun savabına qovuşa bilməz. Peyğəmbər əfəndimiz buyurur ki:

“Allahu təala mənim ümmətimə Ramazanı şərifdə beş şey ehsan edər ki, bunları heç bir Peyğəmbərin ümmətinə verməmişdir:

1 - Ramazanın birinci gecəsində oruca qalxana, Allahu təala rəhmətlə nəzər edər. Rəhmətlə nəzər etdiyi qul artıq rəhmətə qovuşmuşdur, heç bir qorxu yoxdur.

2 - İftar vaxtı oruclunun ağız qoxusu, Allahu təalaya hər qoxudan daha gözəl gəlir.

3 - Mələklər ramazanın hər gecə və gündüzdə oruc tutanların bağışlanması üçün dua edər. Mələklər günahsız olduğu üçün duaları qəbul olar.

4 - Allahu təala oruc tutanlara məxsus olaraq Cənnətdə bir köşk lütf edər.

5 – Ramazanı-şərifin son günü, oruc tutan möminlərin hamısını bağışlayar.” (Beyhəqı) “Allahu təala, Ramazanın hər axşamı iftar vaxtında bir milyon adamı Cəhənnəmdən azad edər.” (Deyləmi)