HEYVANLAR ALƏMİ AT NÖVLƏRİ

SAFQAN İNGİLİS YARIŞ ATI: Yarış üçün xüsusilə yetişdirilmiş bir cinsdir. Başı quru, gözlər canlı və əsil, kürək və beli qısa, bacaqlar incə və uzundur. Dünyanın hər yerində at yarışları safqan inligis atları arasında həyata keçirilir. Eynilə insanlarda olduğu kimi ana və ata tərəfindən sülaləsini göstərən şəcərələri tutulur. Yarış atı yetişdirmək, safqan bala əldə etmək üçün safqan bir ayğır, safqan bir madyan ilə cütləşdirilir. Bu atların nəsli, 3 Ərəb ayğırı ilə, 40 İngilis yerli madyandan törəmişdir. 1.5 yaşında idmana qoyulan bala atlar 2 yaşında ilk qaçışlarını edirlər. 4-5 yaşları arasında qüdrətlərinin zirvəsinə çatırlar.

ƏRƏB ATI: Hər baxımdan mükəmməl bir minik atıdır. Orta Asiya ilə Anadoludan Ərəbistana keçən Türk atlarından törəmişdir. Başı kiçik, baxışları canlı, boynu yüksək, kürəyi yumru, quyruq tutması yüksəkdir. Çox dayanıqlıdır, o qədər ki, 24-48 saat heç su içmədən yol gedənlərinə rast gəlinmişdir. Bir çox nəsli vardır. Başlıcaları Səklavi, Kühəylan, Səklavi Cədran, Ümmi Ürküpdür. Dünyanın ən gözəl Ərəb atlarını yetişdirən ölkələrdən biri də Türkiyədir. Türkiyə və bəzi şərq ölkələrində cins ərəb atları arasında da at yarışları həyata keçirilir. Kiçik atlar ilk qaçışlarını 3 yaşında edərlər və 5-6 yaşlarında qüdrətlərinin zirvəsinə çatmış olurlar. İnligis atından fərqi daha güclü olmasıdır.

PONİ: Kiçik bir at növüdür. Ağıllı, sakit və itaətli olduğu üçün uşaqlar üçün bənzəri tapılmaz bir minik heyvanıdır. Müxtəlif nömrələr öyrədilən Ponilər sirklərdə insanı heyrətə gətirəcək hünərlər göstərirlər. Ponilərin ən tanınmış növü ana vətəni Şotlandiyanın şimalındakı Shetland adası olan və adını bu adadan “Shetland ponisi”dir. Eyni zamanda kiçik və yüngül gəzinti arabalarına qoşularaq istifadə edilə bilərlər.