MÜSƏLMANLIĞI QƏBUL EDƏNLƏR

Polkovnik DONALD ROCKWELL (Amerikalı) (3)

Müsəlmanlar, Allahü təala ilə qul arasında heç kimin olmadığına iman edirlər. Müsəlmanlıqda ibadət, Allahü təala ilə qul arasında olur. Günahlarını əfv etdirmək üçün, din adamlarına müraciət etmirlər. Hər müsəlman öz hərəkətindən, ancaq özü məsuldur.

Müsəlmanlar arasındakı qardaşlıq, mənə həyatda çox kərə yardımcı oldu. Bu din qardaşlığı da, məni müsəlmanlığa aparan amillərdən biridir. Hara getsəm, bir müsəlman qardaşımın mənə yardım edəcəyini və kədərimi mənimlə paylaşacağını bilirəm. Dünyada, irq, rəng və siyasi düşüncələri bir-birindən fərqli olan bütün müsəlmanlar, bir-birinin qardaşıdır və bir-birlərinə yardım etməyi özlərinə borc bilirlər

Budur, məni müsəlman edən səbəblər bunlardır. Görəsən bunlardan daha gözəl və ülvi [uca] bir səbəb düşünmək olarmı?

SAĞLAMLIQ         ƏSRİMİZİN QORXUNC XƏSTƏLİYİ QİÇS

Qiçs xəstəliyinə qarşı dərman və peyvənd tapmaq üçün dünya laboratoriyalarında fasiləsiz araşdırma aparılır. İndiyə qədər nəticə alınmamışdır. İnsanı narahat edən əsas məsələ, xəstəliyin başlıca səbəbləri olan nikahdan kənar cinsi əlaqələr, fahişəlik və narkotik istifadəsi olduğu halda, sözdə müasir quruluş, mətbuat, TV... və s. orqanlar bu qeyri əxlaqi əlaqələri dəstəkləyir, sanki təşviq edirlər. Bu xəstəliyin mütəxəssisləri QİÇS-ə tutulmamaq üçün sanki İslamiyyətin əmrlərini təkrar edirlər:

• Zinaya və fahişəliyə yaxınlaşmayın!
• Cinsi azğınlardan və pozğunluqdan uzaq dayanın!
• Narkotik və spirtdən çəkinin!
• Nizamlı ailə həyatınızı davam etdirin!
• Təmizliyə çox diqqət edin!