MƏNKİBƏ KÖHNƏ CORAB BELƏ GÖTÜRƏ BİLMƏDİM

Bir nəfər oğluna “Səndən iki istəyim var, birincisi öldüyüm zaman ayağımın birinə köhnə bir corab geydirməyi unutma. İkincisi isə bu ağzı bağlı məktubu məni dəfn edincəyə qədər açma, dəfn etdikdən sonra aç oxu” deyə vəsiyyət etmişdi.

     Vaxt gəldi, həmin adam öldü. Kəfənə bürüyəcəyi zaman oğlu atasının vəsiyyətini insanlara deyərək, “Atama mütləq köhnə corab geydirməliyəm” dedi. Molla, “Olmaz, dinimizə görə ölünü kəfəndən başqa bir şeylə basdırmaq olmaz” dedi. Oğlan çox israr etdi, amma qulaq asan olmadı. Dəfndən sonra oğlu atasının verdiyi məktubu oxumağa başladı

     “Oğlum! Görürsən ki, o qədər malım, mülküm olduğu halda, bir köhnə corab belə özümlə götürə bilmədim. Əlbəttə bir gün sən də mənim kimi öləcəksən. Sənə də bir neçə metrə kəfəndən başqa bir şey verməyəcəklər. Sənə tərk etdiyim malı yaxşı xərclə,  sərf edəcəyin yerləri yaxşı seç. Beş vaxt namazını və digər ibadətlərini əsla tərk etmə, dində bildirdiyi şəkildə yerinə yetir. Çünki sənin qəbirə əməllərindən başqa bir şey apara bilməyəcəksən.

SAĞLAMLIQ                                       AĞIZ VƏ DİŞ TƏMİZLİYİ

Ağız  təmizliyi gündəlik və asan bir işdir, amma müntəzəm olaraq edilməsi lazımdır. Çünki çürümələrə mane olmaq üçün ağız təmizliyinin mükəmməl olması lazımdır. Bu səbəbdən, istifadə edilən diş pastası və diş fırçasının yaxşı olması, yemək artıqlarını ağızdan atmaq çox mühümdür.

Dişləri üfüqi şəkildə deyil, üst çənədəkiləri yuxarıdan aşağıya doğru, alt çənədəkiləri də aşağıdan yuxarıya doğru fırçalamaq lazımdır. Dişlərin iç tərəfini də təmizləməkdə laqeyd olmamaq lazımdır.