SÖHBƏT..................................... ADAQ (NƏZİR) YOXDURMU?

Sual: “Allahın adağa ehtiyacı yoxdur. Adaq vermək düzgün deyil. Adaq vermək Allah ilə bazarlıq etmək mənasını verir” deyilir. Dinimizdə adaq yoxdur?

 CAVAB

Dində adaq vardır. “Allahın adağa ehtiyacı yoxdur” deyildiyi kimi, “Allahın namaza, oruca da ehtiyacı yoxdur” deyərək bu ibadətləri etməmək lazımdır?

Adağın bazarlıqla da əlaqəsi yoxdur. Bir işimizin olması üçün adaq demək o işin olması üçün dua etmək kimidir.

Bəqərə surəsinin 270-ci ayəti kəriməsində məalən, “Kasıba verdiyiniz sədəqələri və etdiyiniz

adaqları Allahu təala bilər” və Hac surəsinin 29-cu ayətində məalən, “Adaqlarını yerinə yetirsinlər” buyuruldu. İnsan surəsinin 7-ci ayətində “Onlar adadıqlarını yerinə yetirərlər” buyurularaq yaxşılar tərifnənir. Bu ayəti-kərimələrdə Allahu təala etdiyinizi bilirəm deyir. Adaq edənləri tərifləyir. Adağın kasıblara yardım olduğunu bildirir. Adaq haqqında hədisi-şəriflər:

“Etdiyi adaqdan dönən, qayıdıb qusduğunu yeyən köpəyə bənzər.” [ Müslim]

“Allahu təala buyurur: “Mənim üçün bir-birini sevən, mənim üçün bir-birini ziyarət edən, mənim üçün bir-birinə kömək edən və mənim üçün adaqlarına sədaqət göstərənləri sevərəm.” [Tabərani]

“Dəvətə gedən Ramazan, qəza və adaq orucu deyilsə, [nafilədirsə] orucunu pozsun! [Tabərani]