ƏSƏRLƏRDƏN PARÇA...........................................ÇIRPINAN QURBAĞA

    Bir gün iki qurbağa süd nehrəsinə düşür. Qurtulmaq üçün çırpınmağa başlayırlar. Biri bir müddət çırpındıqdan sonra qurtuluş olmayacağını anlayıb özünü batırır, boğulub ölür. Digəri isə çırpınmağa davam edir. Çırpındıqca, südün yağı üstdə yığılmaya başlayır.

    Qurbağa, üzərində otura biləcəyi qədər yağ yığılanda, çıxıb yağın üzərinə oturur. Bu ara nehrənin sahibi qurbağanı digər nehrəyə atır. Qurbağa yenə çırpındıqca südün üzərində yağ təbəqəsi meydana gəlir. Qurbağa tam qurtulduğunu zənn edərkən, nehrə sahibi yığılan yağları alıb qurbağanı digər nehrəyə atır. Bu beləcə davam edir...

    Nəticə: Biz çırpındıqca, bəzilərinin, “ sizi qurtarıram” deyə bizi alıb digər nehrəyə atmasına və yığılan yağları almasına imkan verməyək...

EV ÜÇÜN  ...............................NECƏ YUMAQ LAZIMDIR

    Pambıq parça: Maşında yaxud əldə yuyula bilər. Rənglilər üçün qüvvətli yuyucu toz və paltar suyundan istifadə etmək, qaynatmaq olmaz. Ağlara paltar suyu qoyula bilər və qaynadıla bilər.

    Yun parça: Qətiyyən qaynar sudan istifadə etmək olmaz. Sabun tozu ilə ilıq suda yumaq lazımdır. Yenə ilıq su ilə yaxalayıb sıxmadan qurutmaq lazımdır. Saralmış ağ yunlu parçalar ammonyaklı su ilə ağardıla bilər.

    İpək: İlıq suda yuyulur. Ağ sabun tozundan istifadə edilib yaxşıca yaxalayıb sıxmadan asmaq lazımdır.

    Sintetik: Çox ovmadan və ya yüngül yuyucu ilə yaxaladıqdan sonra asqıda qurudulması lazımdır.

    Dəri: Ağ bir dəsmal ağ sabunla köpürdülüb dərini silmək lazımdır.Yaş bir dəsmal ilə yaxşıca silmək lazımdır.