SÖHBƏT........................ETİQAF (2)

Etikaf; oruc, namaz kimi nəzr edilir. “Xəstəm yaxşı olarsa, Allah rizası üçün bu qədər gün etikafa girəcəyəm” demək nəzr olur. (S. Əbədiyyə)

Etikaf kimi başlı başına ibadət olan bir şeyi nəzr edənin bunu yerinə gətirməsi lazımdır. (Dürər)

Qadınlar məsciddə etikaf etməz. Evdə isə şərtə bağlıdır. Əgər məscid olaraq istifadə etdikləri bir otaq varsa, o otaqda etikafa girə bilərlər. Yemək bişirmək, təmizlik kimi ev işlərinin heç birini etməzlər. Sadəcə ibadətlə məşğul olarlar. Dəstəmaz kimi zəruri işləri etmənin zərəri olmaz. Ramazanın son on günündə olanı sünnəti-kifayədir. Az etikaf da edilə bilər. Bir gün və ya bir neçə saat kimi... Etikafa girənin oruclu olması şərtdir. Sadəcə Şafii məzhəbində oruclu olma şərti yoxdur. Digər üç məzhəbdə oruclu olmaq şərtdir. İmkanı olan qadınların evdə etikafa girmələri, unudulmuş bir sünnəti əhya etmələri və sünnəti əhya etmə savabına qovuşmaları çox yaxşı olar. 

MƏNKİBƏ             ................................İNSANI TANIMAQDA ÖLÇÜ

Bir adam Həzrəti Ömərin yanında bir məsələdə şahid kimi iştirak etmişdi. Həzrəti Ömər ona, “Mən səni tanımıram, səni tanıyan birisini gətir” dedi.

Orada olanlardan biri, “Mən onu tanıyıram” deyincə Həzrəti Ömər, “Necə bilirsən?” deyə soruşdu. O da, “Əmin və ədalətli bir adam olaraq tanıyıram” cavabını verdi.

Həzrəti Ömər təkrar soruşdu:

- Gecəsini, gündüzünü bildiyin, yaxın bir qonşundur?

- Xeyr.

- İnsanın təqvasını meydana qoyan, münasibətləridir. Bu adam, alış-veriş etdiyin bir şəxsdir?

- Xeyr.

- Bununla, insanın əxlaqının gözəl və ya çirkin olduğunu anlamağa imkan verən bir səfər etdin?

- Xeyr.

Bunun üzərinə Həzrəti Ömər, “Sən onu tanımırsan” dedi və sonra da adama dönərək, “Get, səni tanıyan birisini gətir” buyurdu.