SÖHBƏT...............................................GƏLİN QAYINANA MƏSƏLƏSİ (2)

“Xanımına gülər üzlə baxan kişinin dəftərinə bir kölə azad etmiş savabı yazılar.” [R.Nasıhin]

Evə gələndə xanımına salam verib xətrini soruşmaq, kədər və sevincinə ortaq olmaq lazımdır. Çünki, o başqalarından ümidsiz və yalnız özünə alışmış olan dostu, dərd ortağı, özünü nəşələndiricisi, uşaqlarının yetişdiricisi və müxtəlif ehtiyacların aradan qaldırıcısıdır. Ayəti-kərimədə məalən buyurulur ki:

“Yaxşı qadınlar, Allaha itaət edər və ərlərinin haqqına riayət edərlər. Ərləri yoxkən, onların namuslarını və mallarını Allahın köməyi ilə qoruyarlar.” [Nisa 34]

Kişi, həmişə özünü qüsurlu görməli, “Mən yaxşı olsaydım, o belə olmazdı” deyə düşünməsi lazımdır. Xanımının yaxşılığını, iffətini Allahu təalanın böyük neməti bilməsi lazımdır. Onun pis xasiyyətinə qarşı yaxşılıqla rəftar etməsi, yaxşılığı çoxalıb, hər işi sevə-sevə edəndə, ona dua etməsi və Allahu təalaya şükr etməsi lazımdır. Çünki, uyğun bir qadın böyük bir nemətdir. Yaxşı davranmaq, yalnız xanımı üzməmək deyildir, onun verdiyi sıxıntılara da dözmək deməkdir. Hədisi-şərifdə buyuruldu ki:

“Xanımının pis xasiyyətlərinə dözən kişi bəlalara səbir edən Həzrəti Eyyüb kimi mükafatlara qovuşar.” [İ.Qəzali]

Yaxşı müsəlman olmaq üçün xanımı ilə yaxşı dolanmaq şərtdir. Quranı-kərimdə də məalən, “Onlarla yaxşı, gözəl dolanın!” buyurulur. [Nisa 19]