SÖHBƏT UŞAĞIN MALINI SATMAQ

Sual:Ata uşağının malını sata bilər?

CAVAB

Ədalətli olan ata mükəlləf olmayan uşağın hər malını, bazar qiymətinə və ya daha bahalı olaraq özünə və ya başqasına sata bilər, pulunu uşağa və kasıbsa özünə də nəfəqə edər. (Dürər-ül-hükkam)

Sual:Zəngin bir atanın uşağa gələn hədiyyələri və uşağın öz malını istədiyi kimi istifadə etmə səlahiyyəti vardırmı? Məsələn, borc verə bilərmi, qızıllarını anası istifadə edə bilərmi?

CAVAB

Ata kasıb isə istədiyi kimi istifadə edə bilər. Zəngin isə, uşağın daşınan mallarını satıb qızıl olaraq mühafizə edə bilər. Onun pulu ilə qazancı uşağın olmaq üzrə ticarət edə bilər. Başqasına borc verə bilər. Uşaq ağıl yetkin olduqdan sonra uşağın öz mallarını özünə verər. (Dürər)

Sual: Uşağa gələn hədiyyəni, zəngin olan atası necə istifadə edə bilər?

CAVAB  

Uşaqdan satın alıb başqa bir uşağına verə bilər.

Sual: Kasıb ikən uşağımın qızıllarını satıb istifadə etdim. İndi zəngin oldum. Qızılları geri verməyim lazımdırmı?

CAVAB

Bəli.

Sual: Adət olduğu üçün yeni doğulan uşağa hədiyyə gəlir. Uşağa gələn hədiyyələrdən istifadə edə bilərikmi?

CAVAB

Kasıb isəniz istifadə edə bilərsiniz. Zəngin isəniz borc alaraq istifdə edə bilərsiniz. Yaxud bu pulu uşağın xeyrinə ola biləcək sərmayələrdə də istifadə edə bilərsiniz. Çünki siz onun vəlisisiniz.

Sual: Uşağımın doğumundan sonra ona verilən pul və qızılları xərclədik. Uşağımıza borclandıqmı? Bu borcumuzu nə vaxt ödəməyimiz lazımdır?

CAVAB

Pulları qızıla çevirib borcunuzu qızıl olaraq hesablayın. Məsələn 70 qram 22 əyar qızıl deyə bir yerə yazın. Dərhal verməyiniz gərəkməz. Ağıllı, yetkin olanda istəyərsə sizə hədiyyə edə bilər. Yaxud o vaxt da verə bilərsiniz. Yəni, öz pulunuz kimi saxlamağınız və ya qiymətləndirməyiniz lazımdır. Məsələn, Avro olaraq saxlayaq və ya Dollar olaraq saxlayaq deyə bilərsiniz. Yəni, uşağın mənfəəti hansında isə ona görə hərəkət edərsiniz.