FİQH FİTRƏ VERMƏK

 Ehtiyacı olan əşyadan, borclardan artıq olaraq zəkat nisabı qədər malı və pulu olan hər müsəlmanın Ramazan ayında bayram namazına qədər fitrə verməsi vacibdir. Səfərdə olanın da fitrə verməsi lazımdır.

 Ehtiyac əşyası demək qiyməti nə qədər çox olursa olsun bir ev, bir aylıq yemək, hər il üç qat paltar, evdə istifadə olunan əşya və alətlər, minik vasitələri, peşə kitabları və ödəyəcəyi borclardır. Ticarət üçün olmayan ehtiyacından artıq olan əşya, kirayədəki evlər, evindəki bəzək əşyası, sənət və ticarət alətləri, yerə sərili olmayan xalçalar, istifadə edilməyən artıq ev əşyası qurban və fitrə üçün nisab hesabına qatılır.

 Fitrə olaraq 1750 qram buğda və buğda unu, 3,5 kilo arpa, xurma və ya quru üzüm verilir. Bunların qiyməti qədər qızıl və gümüş də verilə bilər.

MƏNKİBƏ                                        GÜNAH İŞLƏMƏYİN ƏLACI

Bəyazidi Bistami həzrətləri bir gün ruhi xəstəxananın qarşısından keçərkən birinin çomaqla bir şeylər döydüyünü görüb soruşdu:

- Nə edirsən?

- Dəlilərə dərman düzəldirəm.

- Mənim xəstəliyimə da bir dərman tövsiyə edərsənmi?

- Nədir xəstəliyin?

- Günah işləmək.

- Mən günah xəstəliyini bilmirəm ... Mən dəlilərə dərman hazırlıyıram.

Tam o anda onların söhbətini eşidən bir dəli, Bəyazidi Bistami həzrətlərinə səsləndi:

- Sənin xəstəliyinin çarəsini mən deyim. Tövbə kökü ilə istiğfar yarpağını qarışdır ... Qəlb qabında tövhid toxmağı ilə döy, insaf ələyindən ələ, göz yaşıyla yoğur, eşq sobasında bişir ... Səhər-axşam bol miqdarda ye ... O zaman görəcəksən sənin xəstəliyindən əsər qalmaz.

Bistami həzrətləri, “Hey dünya hey! Demək, səni dəli deyə bura gətirmişlər” deyərək oradan ayrıldı.