HİKMƏT KİM YOLÇU DEYİL Kİ

Vətənini gəzməyə çıxan bir gənc, gəzdiyi yerlərdən birində tanınmış bir alimi ziyarətə getmişdi. Bir otaqda bütün divarların kitablarla dolu olduğunu gördü. Otağı gözdən keçirdikdən sonra yerdə bir palaz, divar dibində yataq olaraq istifadə edilən bir divan, ortada isə bir masa və kürsüdən başqa evdə heç bir əşyanın olmadığını gördü və maraqla soruşdu: - Baba, niyə heç bir əşyanız yoxdur? Kreslolarınız, divanlarınız, bufetləriniz ... Onlar başqa bir binada? - Xeyr balam. Bax sənin də yalnız kürəyində daşıdığın kiçik bir çantan var. Yaxşı, sənin əşyaların haradadır? - Amma görürsünüz, mən yolçuyam... - Mən də yolçuyam, mən də...

XATİRƏ QARIŞQALARLA SAVAŞ

Uşaqkən tək mərtəbəli evimizə qarışqalar dadanmışdı. Evin harasında olursa olsun ən kiçik çörək qırıntısını belə tapırdılar. Hər şeyi sınamışdıq. Qaz yağı, əhəng, qarışqa dərmanı... Lakin faydası olmurdu. Yemək qırıntısını tapan qarışqa dərhal digərlərinə xəbər verirdi. Bir plan qurdum. Evin bəzi yerlərinə çörək qırıntılarını yerləşdirdim. Bir qarışqanın tapmasını gözlədim. Necə ki, bir qarışqa çörəyi tapan kimi digərlərinə xəbər verməyə gedirdi, mən də dərhal çörəyi götürürdüm. Beləliklə, qarışqalar yalançı vəziyyətinə düşürdü. Bir günlük iş ilə xəbərçi qarışqaların hamısını yalançı vəziyyətə saldım. Beləcə artıq, “Burada çörək var” desələr belə kimsə inanmayacaqdı. Beləcə qarışqalardan qurtulduq.