SÖHBƏT CÜMƏ GÜNÜNÜN FƏZİLƏTİ

Peyğəmbərimiz (sallallahü aleyhi və səlləm) müxtəlif hədisi-şəriflərində buyurdu ki:

“Günlərin ən qiymətlisi Cümədir. Cümə günü bayram günlərindən və Aşura günündən daha qiymətlidir. Cümə dünyada və Cənnətdə möminlərin bayramıdır”.

“Bir kimsə maneə yox ikən, üç Cümə namazı qılmazsa, Allahü təala qəlbini möhürləyər. Yəni yaxşılıq etməz olar”.

“Cümə namazından sonra bir an vardır ki, möminin o anda etdiyi dua rədd olmaz”.

“Cümə namazından sonra yeddi dəfə İxlas, Fələq və Nas surələrini oxuyanı Allahü təala bir həftə qəzadan, bəladan və pis işlərdən qoruyar”.

 “Cümə ertəsi günləri yəhudilərə, bazar günləri nasaraya [xristianlara] verildiyi kimi, cümə günü də müsəlmanlara verildi. Bu gün müsəlmanlara xeyir, bərəkət, yaxşılıq vardır”.

    Cümə günü edilən ibadətlərə başqa gündə edilənlərin, ən az iki qatı savab verilir. Cümə günü işlənən günahlar da iki qat yazılır. Cümə günü ruhlar toplaşır və bir-biri ilə danışırlar. Qəbirlər ziyarət edilir. Bu

gündə qəbir əzabı dayandırılır. Bəzi alimlərə görə, möminın əzabı artıq başlamaz. Kafirin Cümə və Ramazandan başqa əzabı qiyamətə qədər davam edər. Bu gün və gecəsində ölən möminlər qəbir əzabı çəkməz. Cəhənnəm Cümə günü çox isti olmaz. Adəm əleyhissəlam Cümə günü yaradıldı. Cümə günü Cənnətdən çıxarıldı. Cənnətdəkilər Allahü təalanı Cümə günləri görəcəklər.