MƏNKİBƏ...........YAVUZUN ALİMLƏRƏ VERDİYİ QİYMƏT

Yavuz Sultan Səlim Xan, Misiri fəth etdikdən sonra, İstanbula geri dönürdü. Adana şəhərinə gəldikləri zaman, şiddətli yağış yağmış, hər yer palçıq olmuşdu. Bir neçə gecə o ərazidə qaldıqdan sonra yola çıxdılar.

Elm adamlarına son dərəcə qiymət verən Yavuz, yanında dövrün böyük elm adamlarından Kamal Paşazadə ilə birlikdə gedirdilər. Bir ara İbni Kamalın atı büdrədi. Atın ayağından sıçrayan palçıq, Yavuzun üstünə bulaşdı. Bu hadisəni görən İbni Kamal qorxdu.

Bu hadisə qarşısında Yavuz Sultan Səlim adamlarına, “Mənə yeni bir paltar gətirin və bu paltarın üzərindəki palçıqları da əsla təmizləməyin! Alimlərin atının ayağından sıçrayan palçıq mənim üçün möhtərəmdir. Mən öldüyüm zaman bu paltarım kəfənimlə birlikdə aarıyın” dedi.

SÖHBƏT                                    TOYDA GƏLƏN HƏDİYYƏLƏR

Sual: Toyda hədiyyələr gəlir. Bəzən ailədə ər-arvad arasında mübahisələr evliliyə son qoyur. Bu gələn hədiyyələrə qadın ortaqdırmı? Kişi xanımına hədiyyə etdiyi bilərzik və digər zinət əşyalarını, boşanma baş verdikdən sonra geri istəyə bilərmi?

CAVAB

Toyda gələn hədiyyələrdən, kəlağayı, paltar kimi qadına məxsus olan əşyalar qadınındır. Müştərək əşya isə kişinindir. Sünnət uşağına gələn hədiyyələr də belədir. (Hadiqa)

Xanımına hədiyyə olaraq verilən mal geri alına bilməz. Məhrəm qohumu və ya nikahlısı olmayan kimsəyə hədiyyə edilən malı geri almaq caizdir. Ancaq qarşılığı verilmiş, verilən şey çoxalmış isə, yaxud ikisindən biri ölmüşsə və ya verilənin mülkündən çıxmış isə, geri alına bilməz. (Əl-ixtiyar)