HƏYATIN AĞLASIĞMAZ HƏQİQƏTLƏRİ

  Beynimiz yatdığı zaman televizora baxdığımız zamandan daha fəal olur.

    Yaponiyada mövcud olan bir inanca görə uzun müddət istifadə edilməyən çətir Kasa-Obake adlı bir gözlü və bir ayaqlı hoppanan şeytana çevrilir.

    Dünyada ilk özünəxidmət restoranı ilk dəfə Nyu-Yorkda peyda olub və yalnızca kişilərin ziyarətinə icazə verilirdi. Müştərilər burada ayaq üstə dayanaraq nahar edirdilər.

Nyu-Hempşir ştatında avtomobillərin nömrə nişanlarında əks olunan devizdə deyilir: “Azad yaşa, ya öl”. Bu nişanlar isə ştat həbsxanalarındakı məhkumlar tərəfindən hazırlanır.

    Fransada insan simasına malik olmayan gəlinciklərin satışı qadağan idi.

    Əlində qaynar içki tutan bir insan onu əhatə edən insanları da daha “isti” – daha dostcanlı və mehriban görür.

KÖHNƏ PALTAR

    Bir kasıb bir gün padşahın olduğu bir məclisə köhnə paltarla girər. Paltarını bəyənməyən bir vəzir onu danlayaraq, “ Padşahın hüzuruna belə girərlər?” deyər. Kasıb da belə cavab verər:

“Padşahın hüzuruna köhnə paltar ilə girmək ayıb deyil lakin, hüzurundan köhnə paltar ilə çıxmaq ayıbdır.”