DÜNYANIN ƏN MÖHTƏŞƏM TƏLƏBƏ YATAQXANASI

    Bu yataqxana Danimarkada Kopenhagenin tələbələr üçün yeni Orestado rayonunda yerləşir. Yataqxana 2006-cı ildə inşa edilib və 7 mərtəbə özündə 360 otağı birləşdirir. Binanın ümumi sahəsi isə 28 800 kvadrat metrə bərabərdir. Yataqxananın dairəvi forması isə bərabərlik və birlik rəmzidir. 

    Binanın bütün, yəni 360 otağın pəncərələri daxildəki həyətə açılır. Mətbəx yataqxanada vacib rola sahibdir və ümumilikdə burada 30 mətbəx fəaliyyət göstərir. Hər mətbəxdə 4 soyuducu, 2 plitə və qida hazırlanması üçün lazım olan hər bir avadanlıq mövcuddur.

    Bir çarpayılı otaq 26-33 kvadrat metr ərazini əhatə edir. Bununla yanaşı 45 kvadrat metr əraziyə sahib olan 30 iki çarpayılı otaqlar da mövcuddur. Bütün otaqlar isə demək olar ki, eyni formada tərtib edilib. Hər bir otağın isə özünün şəxsi ayaqyolu və hamamı var. Qısası bu tələbə yataqxanası tələbələr üçün ən yaxşı bina adına layiq olmaqla yanaşı, bir çox mükafatlara sahib olmuşdur. 

HEYVANLAR ALƏMİ                   BALIQ OVLAYAN YARASA

    ABŞ-ın Kaliforniya Körfəzi və ətrafında, dəniz üzərində uçan yarasalara rast gəlmək olar. Boyları 7-8 sm olan bu heyvanların qanad açdıqları zaman 40 sm olur. Su üstündə uçuşan yarasalardan bəziləri arada alçalaraq suya baş vurur. Bu hərəkətdən sonra bir balığın havaya sıçradığı görülür. Sıçrayan balıq suya düşmədən havada yarasının pəncəsinə düşür. Balığı çölə sıçradan səbəb qəti olaraq bilinmir. Bəlkə də suya dəyən yarasanın qarnının ağlığı və ya  çıxardığı yüksək tezlikli səs dalğaları balıqları çaxnaşmaya uğradaraq sıçramalarına səbəb olur.