Tez-tez yuxusuz qalmaq beyni beş il geri salır. Tədqiqatlar göstərir ki, yuxusuzluq və yuxunun digər pozuntuları baş beyin üçün çox zərərlidir. Kaliforniya Pasifik Tibb Mərkəzinin Tədqiqat İnstitutunun mütəxəssisləri araşdırma nəticəsində belə qənaətə gəliblər.

2820 nəfər üzərində aparılan müşahidə göstərib ki, bir neçə il yuxusuzluqdan əziyyət çəkənlərin yaddaşı və diqqəti itir. Əqli pozuntuların yaranması riski 50% artır, bu da real yaşın üzərinə gəlinmiş 5 ilə bərabərdir. Beynin işinə hətta bir neçə gecəlik yuxusuzluq da çox pis təsir göstərir: planlaşdırmaq, qərar qəbul etmək, səhv tapmaq, məntiqi düşünmək qabiliyyətləri pozulur. Cəmi bir yuxusuz gecə isə beyində başın bir yerə dəyərək əzilməsi zamanı yaranan zədəyə bərabər dəyişikliyə səbəb olur.

İş burasındadır ki, yuxu zamanı beyin toksinlərdən təmizlənir. Bu baş vermədikdə isə, neqativ, bəzi vaxtlar isə geri dönüşü mümkün olmayan dəyişikliklər baş verir.

MƏNKİBƏ                                                  BÖYÜKLƏRƏ XİDMƏT

Bir Müsəlmanın axirətdə hesabı görülür, günahları çox, savabları az gəlir. Tam Cəhənnəmə atılacağı zaman bir kiçik torba savab xanasına gəlir və birdən savab tərəfi ağır gəlir. Həmin müsəlman təəccüb edir, “Bu nədir, mən hansı yaxşılığı işlədim ki, məni cənnətlik etdi?” deyə mələklərə soruşur. Torbanı açıb baxırlar ki, iki kürək torpaq. Mələklər də, “Bu nədir biz də bilmirik, Allahu təalaya soruşaq” deyirlər və ərz edirlər. Allahu təala buyurur ki:

“O, mənim övliya bir qulum dəfn edilərkən qəbrinə iki kürək torpaq atmışdı. Mənim sevimli qulumu sevən, ona yaxşılıq edən bir qulumu heç Cəhənnəmə ataram?”