QURBAN NƏ VAXTA QƏDƏR KƏSILƏ BILƏR

Maddələr halında bildirək:

1. Qurban, bayramın ilk günü bayram namazından etibarən üçüncü günü, günəş batana qədər kəsilir. Cümə namazı qılınmayan kiçik kəndlərdə fəcrdən (dan yeri ağarmadan, gün çıxmadan) sonra bayram namazından əvvəl də kəsilə bilər. Gecə qurban kəsmək caiz isə də məkruhdur. Şafiidə, bayramın dördüncü günü də kəsilə bilər. 

2. Nafilə, əqiq və nəzir heyvanı hər vaxt kəsilə bilər, amma bayramda kəsilməsi yaxşı olar.

3. Bayram cümə gününə rast gəlsə də yenə qurban bayram namazı qılındıqdan sonra kəsilir.

4. Qurban Bayramının üçüncü günü kasıb olacağını və ya səfərə çıxacağını bilənə, bayramın birinci və ikinci günü  qurban kəsmək vacib deyilsə də, kəsərsə vacib olaraq əda etmiş olar.

5. Kasıb bayramın ilk günü qurban kəsdikdən sonra, 3-cü günü zəngin olsa yenidən kəsməsi lazım deyil. Vacibi yerinə gətirmiş olur. 3-cü günü zəngin olacağını bilənin də ilk günü qurban kəsməsi caizdir.