DÜNYADAN HAVA HAQQINDA

Hüceyrələrimizdə, oksigen, qidaları yandırdıqda, karbondioksid meydana gəlir. Bu da, ciyərlərdən havaya verilir. İnsan saatda 20-40 və gündə 500-1000 litr karbondioksid qazı əmələ gətirir. Şəhər havasında (CO₂) miqdarı, mində birə və hətta daha yuxarı çıxır. Bu qaz, öldürücüdür. Yeddi faiz olduqda tənəffüs çətinləşir. On dörd faiz olduqda isə öldürür. Kəlküttə şəhərində, bir otağa salınan 146 məhbusdan 123-ü, öz (CO₂)-ləri ilə ölmüşdür. Karbondioksid qazı havadan ağır olduğuna görə çuxurlarda, zirzəmilərdə yığılır. Qazlı içki olan şüşələr açıldıqda, aşağı doğru köpük halında, stolun üstünə axır. Bu qaz, istini ötürür. Hava təbəqəsinin yer üzərində istiliyi qoruması, ən çox karbondioksid sayəsindədir. Hava olmasaydı, yer üzünün orta hesabla temperaturu (+15°C) yerinə (—23°C) olacaqdı. Bu otuz səkkiz dərəcə fərqin iyirmi bir dərəcəsi, havadakı on mində üç karbondioksid sayəsindədir.

İnsan orqanizmi, içində əlli litr isti maye olan bir çəllək kimidir. Çəlləyin sərbəst səthi ciyərlər olub, təqribən iki yüz kvadrat metrdir. Bu maye, bu səthdən və bütün dərimizdən, buxarlanır. Ağız və burnumuzdan havaya su buxarı veririk.