SÖHBƏT QUL HAQQI

    Qul haqqını dərhal ödəmək, halallaşmaq, yaxşılıq və haqq sahibinə dua etmək lazımdır. Haqq sahibi ölmüşsə, ona dua, istiğfar edib uşaqlarına, varislərinə verib ödəmək, bunlara yaxşılıq etmək lazımdır. Uşaqları, varisləri bilinmirsə, mal miqdarı pulu kasıblara sədəqə verib, savabını haqq sahibinə hədiyyə etmək lazımdır. 

    Bir şəxsdən səbəbsiz, zorla, haqsız olaraq alınan bir qəpiyi sahibinə geri vermək, yüzlərlə manat sədəqə verməkdən qat-qat daha savabdır. Bir kimsə Peyğəmbərlərin etdiyi ibadətləri etsə, fəqət üzərində başqasının bir qəpik haqqı olsa, bu bir qəpiyi ödəmədikcə Cənnətə girə bilməyəcəyi bildirilir.

    Qiyamət günü haqlar mütləq sahibinə verilər. Dünyada haqq sahibinin razılığı alınmazsa, axirətdə haqsız tərəfin yaxşılıqları alınıb haqlı tərəfə verilər. İbadətləri və yaxşılıqları yoxdursa, haqq sahibinin günahları haqsız tərəfə verilər.

    Başqasının malını yemək, şərab içməkdən daha böyük günahdır. Qul haqqı Allahu təalanın haqqından əvvəl ödənilir. Allah uğrunda döyüşüb ölən kimsənin qul haqlarından başqa bütün günahları əfv olar. Qul haqqı tövbə ilə də şəfaət ilə də əfv olmaz.