EV ÜÇÜN KÖRPƏNİN YEMƏKLƏRİ

    Körpəyə verilən yeməklərin ilk aylarda sulu olması lazımdır. Dişləri çıxmağa başlayanda yavaş-yavaş quru və pürə yeməklər verilə bilər. 6 aydan sonra unlu qidalar verilə bilər.

    Pendir: Duzsuz və yağsız ağ pendir, süd ilə əzilərək verilir.

    Balıq: Körpə 7 aylıq olanda əvvəl yağsız balıqla başlanar.

    Ət: 6 aylıq körpələrə kotlet verilə bilər. Kotletə alışdıqdan sonra beyin və qaraciyər də verilə bilər.

    Yumurta: 5-ci aydan etibarən qaynadılmış yumurtanın yalnız sarısını vermək lazımdır. Yumurta həzmi çətin bir qidadır. Az-az vermək lazımdır. Yumurtada bol miqdarda A,D və B vitaminləri, həmçinin dəmir, mis, kalsium, fosfor və kükürd vardır. Tez-tez yedirilərsə allergiya verər.

LƏTİFƏ                                                              GƏLİN NAMİZƏDİ

    Bir nəfər vasitəçilik edərək evlənmək istəyən gəlin və kürəkən namizədlərini görüşdürür. Gəlin zəngin olduğu üçün gələcək kürəkənə kiçik qüsurların bağışlanması üçün əvvəlcədən xəbərdar edilir...

    Gəlin otağa axsayaraq girir. Kürəkən vasitəçiyə baxıb, “Topaldı ki, bu” deyə deyinir... Vasitəçi başıyla təsdiq edir...

    Gəlin saçlarını əliylə geriyə doğru daradığı zaman parik əlində qalır... Kürəkən səssizcə, “Keçəldi ki, bu” deyə pıçıldayır... Vasitəçi başıyla təsdiq edir...

    Kürəkən namizədi qızın çəp olduğundan da şübhə edərək və vasitəçinin qulağına əyilib soruşmaq istəyir ki, vasitəçi dillənir...

“Rahat danış. Eşitmir, qulağı kardır...”