DÜNYADAN ÖZBƏKİSTAN HAQQINDA

Özbəkistan dünyada tək ölkədir ki, nə özünün, nə də qonşularının dünya okeanına birbaşa çıxışı var. Orta Asiyada yerləşən keçmiş SSRİ ölkələrinin hamısı ilə həmsərhəddir.

Dünyada yalnız iki ölkə -ABŞ və Özbəkistan pambıq yığımı və onun emalı üzrə, yəni Pambığın yığılmasından tutmuş hazırlanıb tam fabrikat formasında satışa çıxarılana qədər keçdiyi bütün mərhələlərə malikdir. Özbəkistanda 100-dən çox pambıqtəmizləyən zavod fəaliyyət göstərir.

Əhalisinin 70%-i özbəklərdi, daha sonra qaraqalpaqlar, ruslar və ukraynlar durur. Tatarlar, taciklər, qazaxlar, koreyalılar və qırğızlar ölkə əhalisinin 1/6-i təşkil edir. Əhalisinin sayına görə orta asiyada 1-ci yerdədi (30 milyondan çox). Əhalinin sıxlığına görə Ota Asiyada 1-ci yerdədi. Təxminən 1 kv. Km-ə 60 nəfər düşür.

Qızıl ehtiyatlarına görə Özbəkistan dünyada 5-ci, MDB ölkələri arasında 2-ci yeri tutur.

Özbək dili (uyğur dili də) türk dilinin cağatay qoluna aiddir.

SÖHBƏT                                                ALACAĞI BAĞIŞLAMAQ

Sual: Bir kasıbdan alacağım var, ödəyə bilmir. Borcumu almasam sədəqə yerinə keçərmi? Bağışlamağın dindəki yeri nədir?

CAVAB

Borclu kasıbdırsa hədiyyəniz sədəqə olar. Alacağı bağışlamaq çox savabdır. Hədisi-şəriflərdə buyuruldu ki:

“Heç bir himayənin olmadığı qiyamət günündə Allahu təalanın himayəsinə girmək istəyən alacağını bağışlasın!”  [Tabərani]

“Alacağını bağışlayan qiyamət günü Allahu təalanın himayəsindədir.” [Bəğavi]

“Qiyamətdə Allahu təalanın himayə edəcəyi insanların ilki, əlinə keçənə qədər kasıbdakı alacağını təxirə salan və ya Allah rizası üçün alacağını bağışlayan və sənədini cırıb atandır.” [Tabərani]

“Verən əl, alan əldən üstündür.”  [İbni Huzeymə]