ƏHLİ-SÜNNƏT ETİQADINDA OLMAĞIN ƏLAMƏTLƏRİ (1)

Allahu təala Əhli-sünnət etiqadına uyğun iman edən müsəlmanlardan razıdır. Bu cür inanmış olmağın bir çox şərtləri vardır. Əhli-sünnət alimləri bunları aşağıdakı kimi izah etmişlər:

1. İmanın altı  şərtinə, yəni Allahu təalanın varlığına və birliyinə, ortağı və bənzərinin olmadığına, Mələklərinə, Kitablarına, Peyğəmbərlərinə, Axirət həyatına, xeyir və şərin, yaxşılıq və yamanlığın Allahü təala tərəfindən yaradıldığına inanmalıdır. (Bunlar “Əməntü”də bildirilmişdir). 

2. Allahu təalanın son kitabı olan Qurani-Kərimin Allahü təalanın kəlamı olduğuna inanmalıdır. 

3. Mömin öz imanından heç şübhə etməməlidir.

4. Peyğəmbərimizə (sallallahu aleyhi və səlləm) iman edib, həyatda ikən onu görməklə şərəflənən Əshabi-kiramın hamısını çox sevməlidir. Dörd xəlifəsinə, yaxın qohumları olan Əhli beytinə və möhtərəm xanımlarından heç birinə dil uzatmamalıdır.

5. İbadətləri imandan bir parça bilməməlidir. Allahu təalanın əmr və qadağalarına inanıb, tənbəlliklə yerinə yetirməyən möminləri kafir bilməməlidir. Haramlara əhəmiyyət verməyənlərin, islamiyyətə lağ edənlərin imanı gedər.

6. Əhli qiblə olduqlarını söyləyən, Allahu təalaya və Peyğəmbəri Muhamməd əleyhissəlama inandım dediyi halda, səhv etiqadda olanların kafir olduqlarını söyləməməlidir.

(davamı sabah)